Azərbaycan Respublikası Gənclər və İdman Nazirliyinin rəsmi orqanı
  Ana səhifə  |  Haqqımızda  Əlaqə
 
  

                        
logo-veb
 Xəbərlər
17/04 | 14:58 Formula 1 Azərbaycan Qran-Pri yarışının təşkili ilə bağlı ölkəmizə gələcək əcnəbilər üçün viza prosedurları sadələşdirilir
17/04 | 11:47 Cüdo üzrə Avropa çempionatının ikinci günündə iki idmançımız mübarizəyə qoşulacaq
17/04 | 11:12 Beynəlxalq dərəcəli həndbol hakimlərimiz ölkəmizi daha bir nüfuzlu yarışda təmsil edəcəklər
17/04 | 10:34 Cüdo üzrə Avropa çempionatı: Azərbaycan komandası 11-ci pillədədir
17/04 | 10:00 Dünya birinciliyi: Daha bir boksçumuz yarışa qələbə ilə başlayıb
17/04 | 09:55 Azərbaycan Premyer Liqasında XIII tura start verilib
16/04 | 21:00 Cüdoçumuz Avropa çempionatında bürünc medal qazanıb
16/04 | 20:09 İdman gimnastlarımız Avropa çempionatında iştirak edəcəklər
16/04 | 19:28 “Universiada-2023”də 11 min idmançı iştirak edəcək
16/04 | 18:17 Şahmatçımız Aydın Süleymanlı “Vladimir Bato Kontiç” memorialında mübarizəyə başlayır
16/04 | 17:47 Cüdoçumuz Kəramət Hüseynov bürünc medal uğrunda mübarizə aparacaq
16/04 | 16:51 Sambo üzrə Avropa çempionatının vaxtı dəyişdirilib
16/04 | 16:26 Cüdoçumuz Orxan Səfərov Avropa çempionatında təsəlliverici görüşə çıxacaq
16/04 | 15:53 Həvəskarlar arasında Avropa çempionatının birinci mərhələsində şahmatçımız üçüncü yeri tutub
16/04 | 14:07 Formula 1 Kanada Qran-Prisini Türkiyə yürüşü əvəz edə bilər
16/04 | 13:51 Beşinci İslam Həmrəylik Oyunları təxirə salına bilər
16/04 | 13:27 Dünya birinciliyi: Bu gün daha 3 boksçumuz rinqə çıxacaq
16/04 | 12:50 Makqreqorla Porye iyulun 10-da üçüncü dəfə qarşılaşacaq
16/04 | 12:37 Günay Məmmədzadə: Şahmat tacı uğrunda iddiaçılar turnirində iştirak etməyi arzulayıram
16/04 | 12:09 Kross qaçışı üzrə Bakı çempionatına start verilib
16/04 | 11:38 Dünya birinciliyi: boksçumuz dörddəbir finala yüksəlib
16/04 | 11:05 Cüdoçularımız Avropa çempionatında mübarizəyə başlayıb
16/04 | 10:53 UEFA Avropa Liqasında dörddəbir final mərhələsinə yekun vurulub
16/04 | 10:01 AFFA-nın icraçı vitse-prezidentinin sədrliyi ilə UEFA komitəsinin iclası keçirilib
16/04 | 09:54 Avropa çempionatında cüdoçularımızın rəqibləri müəyyənləşib
15/04 | 19:18 Avropa çempionatında iştirak edəcək sərbəst güləşçilərimiz müəyyənləşib
15/04 | 18:42 Millimizin oyunlarını idarə edəcək hakimlər müəyyənləşib
15/04 | 18:07 Güləşçilərimiz Avropa çempionatına hazırlığı Bakıda davam etdirirlər
15/04 | 17:48 Xosep Qvardiola Joze Mourinyonun rekordunu təkrarlayıb
15/04 | 16:56 UEFA səfər qolu qaydasını ləğv edə bilər
15/04 | 16:16 “Zəfər kuboku” onlayn şahmat turnirinin qalibləri müəyyənləşib
15/04 | 16:08 “İdman və Ədalətli Oyunlar” mövzusunda rəsm müsabiqəsi elan olunub
15/04 | 15:48 Yaponiya hakim partiyasının baş katibi Olimpiadanın təxirə salınmasının mümkünlüyünü bildirib
15/04 | 15:44 Qiyas Məmmədrza oğlu Məmmədov
15/04 | 14:59 “Neftçi” klubu “Keşlə”nin hücumçusunu transfer etmək istəyir
Digər xəbərlər 
 Premyer Liqa. Turnir cədvəli
N: Komandalar O Q H M T/F X
1 Qarabağ 22 13 7 2 51-15 46
2 Neftçi 22 13 4 5 32-33 43
3 Zirə 22 7 11 4 24-21 32
4 Sumqayıt 22 7 8 7 26-28 29
5 Qəbələ 22 5 9 8 20-31 24
6 Səbail 22 4 8 10 19-33 20
7 Sabah 22 5 5 12 20-29 20
8 Keşlə 22 3 10 9 21-33 19
 Dünya kuboku-2022. Seçmə mərhələ. “A” qrupu
N: Komandalar O Q H M T/F X
1 Portuqaliya 3 2 1 0 6-3 7
2 Serbiya 3 2 1 0 7-5 7
3 Lüksemburq 2 1 0 1 2-3 3
4 İrlandiya 2 0 0 2 2-4 0
5 Azərbaycan 2 0 0 2 1-3 0
III Avropa Oyunları hansı yeniliklərlə gələcək?
Tarix: 23.09.2020 | Saat: 10:48:00 | E-mail | Çapa göndər
Vüqar Məmmədov | vuqar-inqilaboqlu@mail.ru

Bəşəriyyətin ən böyük idman yarışı istər qədim Yunanıstandakı antik oyunların, istərsə də başlanğıcını Afinadan götürən müasir olimpiya oyunlarının məkanını olimpiadaların vətəni kimi tarixə saldığı kimi, köhnə qitənin bizim nəslin şahidliyi ilə baş tutan ilk oyunlarını keçirən Bakımız da Avropa miqyasında həmin missiyanı, həmin funksiyanı öz üzərinə götürdü.

5 il öncə iyunun 12-də paytaxtımızın Olimpiya stadionundakı möhtəşəm açılış mərasimi ilə təməli qoyulan ilk Avropa oyunları 24 idman növündə mübarizəsi ilə tarixə elə bir ilk kimi yazıldı. Bunun ardından 2019-cu ildə Belarus paytaxtı Minsk 15 idman növündə qitənin aparıcı idmançılarının mübarizə meydanına çevrildi. Növbəti - III Avropa Oyunlarının ev sahibliyini edəcək Polşanın Krakov və Malopolye şəhərlərində də 2023-cü ilin iyununda 24 idman növündə yarışın olacağı gözlənilir. Hər halda bu, yaxın günlərdə Avropa Olimpiya Komitəsi və Polşa nümayəndə heyəti arasında İtaliyanın paytaxtı Romada keçirilmiş görüşdə gəlinən ilkin razılığa əsasən III Avropa Oyunlarının proqramının ilkin siyahısında olan idman növlərinin sayıdır.
Kamandan oxatma, sinxron üzgüçülük, badminton, basketbol 3x3, çimərlik həndbolu, breyk-dans, kanoe (kayak və kanoe, kanoe slalom), velosiped idmanı (dağ velosipedi, şose), qılıncoynatma, gimnastika, cüdo, karate, müasir beşnövçülük, dağ qaçışı, reqbi 7, atıcılıq, xizəklə tramplindən tullanma (yay), idman dırmanması, stolüstü tennis, triatlon, voleybol, çimərlik voleybolu, ağırlıqqaldırma - Polşada keçiriləcək oyunlarda məhz bu növlərdə yarışların baş tutacağı gözlənilir. Doğrudur, siyahıda hələ müəyyən dəyişikliklərin olacağı da istisna deyil. Hər halda bu siyahının Krakov və Malopolyeni Bakı və Minsk kimi sələflərindən fərqləndirəcəyini demək olar. Gəlin bu fərqlərin nədən ibarət olduğunu nəzərdən keçirək.

İlk olaraq onu deyək ki, Avropa Oyunları Olimpiya Oyunlarından tək coğrafi miqyası ilə fərqlənmir. Birincisi, Olimpiya Oyunları Beynəlxalq Olimpiya Komitəsinin olimpiya idman növləri sırasına saldığı bütün növlərdə keçirilir və BOK vaxtaşırı olaraq müəyyən mülahizələrə görə, bu siyahıda bəzi dəyişikliklər edir. Avropa Oyunlarında isə təşkilatçı ölkələrin imkanları, idman növləri üzrə federasiyaların qərarları, dövrün digər yarışları həlledici rol oynaya bilir. Həm də Avropa Oyunlarında BOK-un olimpiya növləri saydığı bir çox aparıcı proqramlar kənarda qala, olimpiya növləri olmayanlar isə proqrama salına bilir. Digər tərəfdən Olimpiya Oyunlarında bəzi azsaylı növlər istisna olmaqla, idman növləri dayaq idman növləridir. Avropa Oyunlarında isə bir sıra yarışların digər qitə yarışlarının eyni kimi keçirilməsini və Olimpiya Oyunlarına lisenziya verməsini müşahidə edə bilərik. Elə 2023-ün Polşa yarışları üçün idman növlərinin siyahısı müəyyənləşdirilərkən də əsas meyar onların həm də Avropa çempionatı statusu və ya 2024-cü il Paris Yay Olimpiya Oyunlarına lisenziya xarakteri daşıması olub. Yaxın vaxtlarda Avropanın müvafiq idman federasiyalarının hər biri ilə yekun danışıqlar zamanı da belə bir şərt irəli sürüləcək.

Bəs Bakı, Minsk, eləcə də Krakovla Malopolyeni idman növlərindən hansıları birləşdirir və ya fərqləndirir?

Badminton, basketbol 3x3, karate və güllə atıcılığında ilk iki oyunlarda eyni sayda medal dəsti paylaşılıb. Lakin III Oyunlarda istər bu, istərsə də digər növlərdə hansı sayda medal olacağı hələ qarşıdakı müzakirələrin mövzusudur.

3-cü oyunların da proqramında olan güləşin Bakı və Minskdə medal sayı fərqli olub. Yunan-Roma, sərbəst və qadın güləşinin hər birində Bakıda 8 medal dəsti sahibini tapdığı halda, Belarus paytaxtında bu rəqəm 6-ya, nəticədə də ümumi sayda 24-dən 18-ə endi. Sərbəst güləşdə mövcud çəkilərdən 6-sı 2-ci oyunlarda saxlanılmaqla 61 və 70 kq çəki dərəcələri yığışdırıldığı halda, yunan-Roma və qadın güləşlərində çəki kateqoriyaları seyrəldilərək azaldılmaqla yanaşı, saxlanılan çəkilərin əksəriyyətində də yüngül korreksiya oldu.

Polşada təmsilçiliyini saxlayacaq digər növlərin də Bakı və Minsk fərqlərinə baxaq.
Veloidmanda medal dəstlərinin sayı Bakıdan sonra Minskdə 8-dən 24-dək artırıldı. Ancaq veloidman növlərinin sayı isə, əksinə azaldı. Şəhərimizdə şosedə 4, dağ velosipedi və BMX-in hər birində isə 2 yarış oldu. Minskdə şosedə proqram dəyişməz qaldı, əvəzində dağ velosipedi və BMX-in yerinə salınan trek yarışlarında 20 dəst medal paylanıldı. Polşada isə şose ənənəvi saxlanılmaqla, dağ velosipedi üzrə yarışlar bərpa olunacaq.

Avarçəkmə və kanoe yarışlarında medallar Minskdə bir dəst artırılaraq 16-ya çatdırılıb. Bu kiçik artım kişilərin yarışlarında ikinəfərlik avarçəkmədə 200 metrlik məsafə yığışdırılaraq, əvəzində qadınların Bakıda kanoe yarışı olmadığı halda, Minskdə bir və iki nəfərlik kanoe yarışlarının proqrama salınması hesabına oldu.
Cüdo yarışlarında ümumi medal dəsti sayının Minskdə 18-dən 15-ə enməsinə səbəb Bakıda 1 kişi və 1 qadın çəki kateqoriyasında təmsil olunan paralimpiya cüdosunun Belarusdan yığışdırılması, həm də kişi və qadınların 2015-dəkindən fərqli olaraq, ikinci oyunlarda bir komanda şəklində də medal mübarizəsi aparması ilə bağlı olub.

Stolüstü tennisdə Bakıdakı 4 medal dəstinin müqabilində Minskdə 5 dəst oldu. Kişi və qadınların fərdi və komanda yarışlarına Belarusda qarışıq cütlərin də mübarizəsi əlavə edilmişdi.

Oxatmanın medal dəstləri Minskdə 5-dən 8-ə çatdırıldı. İlk oyunlarda kişi və qadın kateqoriyalarının hər birində fərdi və komanda yarışları, eləcə də qarışıq komanda yarışları olmuşdu. İkinci oyunlarda isə əvvəlki klassik oxla yarışlarla yanaşı, hər üç kateqoriyada bloklu oxla yarışlarda da medal mübarizəsi aparıldı.

İlk iki oyunların hər birində gimnastika növlərindən akrobatikada 5, batutla tullanmada 4, idman aerobikasında 2, bədii gimnastikada 8 dəst medal uğrunda mübarizə getdi. Yalnız idman gimnastikasında Minskdə Bakıdakından 2 dəst az - cəmi 12 medal olmasına səbəb kişi və qadınların komanda medallarının olmamasıdır. Polşada isə hələlik hansı növlərdə hansı yarışların olacağı müəyyənləşməyib.

İndi isə ilk iki oyunlardan fərqli olaraq Polşaya getməyəcək növlərə baxaq. Bunlardan biri Bakı və Minskin hər birində 15 çempionu müəyyənləşdirmiş boksdur. Çimərlik futbolunda Bakı və Minskdə 1 medal dəsti oldu.

Bakıda atletika yarışlarında 17 ölkənin 600 idmançısı 20 kişi və 20 qadın proqramında mübarizə aparırdı. Ancaq bu qədər atletin bu qədər növdə yarışının yekununda cəmisi bir dəst medal sahibini tapdı. Belə ki, yarış komanda formatında keçirilirdi. Avropa Atletika Assosiasiyası ilk olaraq Oyunlardan imtina etməyi düşünürdü. Sonradan onları yola gətirmək oldu. Ancaq bir qədər öncə qeyd edilən formatda.

Minskdə isə 24 ölkədən 488 atlet 10 dəst medal uğrunda yarışdı. Bunlardan biri ümumi komanda hesabına görə idi. Fərdi yarışlar isə kişilər arasında 100 metrə qaçış, 110 metrə maneəli qaçış və hündürlüyə tullanma, qadınlarda 100 metrə qaçış, 110 metrə maneəli qaçış, nizə atma və uzunluğa tullanma üzrə idi. Eləcə də qarışıq şəkildə komanda yarışları 4x4 estafeti və təqibetmə yürüşü üzrə oldu.
Samboda artım birdən-birə 8-dən 18-ə oldu. Belə ki, 2019-cu ildə cins kateqoriyalarının hər birində 9 çəki dərəcəsində mübarizə olmuşdusa, ondan 4 il öncə hər kateqoriyada çəki dərəcələrinin yalnız 4-ü seçilmişdi.

Su polosu (2 dəst medal), üzgüçülük (42), suyatullanma (8) və taekvondo (8) Bakıdan sonra "qeybə çıxdı" və bu növləri 2023-cü ildə də görməyəcəyik. Voleybol (2), çimərlik voleybolu (2), sinxron üzgüçülük (4), triatlon (2) və qılıncoynatma (12) isə Minsk fasiləsindən sonra Polşada geri qayıdır. Minskin məxsusi növləri isə olmayıb.

Göründüyü kimi, Minskin medal boğçası daha kasıb olub. Polşada isə gözlənilən yeni növlər kifayət qədərdir - çimərlik həndbolu, breyk-dans timsalında idman rəqsləri, müasir beşnövçülük, dağ qaçışı, reqbi 7, idman dırmanması, ağırlıqqaldırma və xizəklə tramplindən tullanma. Sonuncu növ, əsasən qar üzərində keçirilən qış idman növü kimi tanınsa da, Polşada bu idmanın, təbii ki, daha az populyarlığı olan yay növü olacaq. Bu idman növündə idmançılar xizəklə polimer materialdan hazırlanmış səthə tullanırlar ki, bu da lazım olan sürüşməni təmin edir. Yarış zamanı bu səthdən su da axıdırlar.

Bəli, Krakov və Malopolyedə Avropa Oyunları fərqli olacaq. Ancaq bu fərqliliyin nə qədər bəyənilib-bəyənilməyəcəyini 3 ildən sonra görəcəyik.

Vüqar İNQİLABOĞLU

Xəbər 354 dəfə oxundu



 
Müəllifin son yazıları

07.09.2020 Dünya şahmatının gənclik zirvəsi
31.08.2020 Olimpiya halqaları - 100
26.08.2020 “Şahmat həyatdır"
13.05.2020 Donmuş reytinqin ön sıraları haqqında fərqli düşüncələr
06.04.2020 İdman mövzulu əsginaslar
29.03.2020 Bu oyunda kim uduzdu, kim uddu?
13.03.2020 Aydının “Aeroflot" “uçuşu" nədən xəbər verir?
09.10.2019 Azərbaycan şahmatının yeni zirvəsi
14.08.2019 Öndəki dünya kubokuna geridəki illərdən bir baxış
20.10.2015 Dünya kubokunun sirləri


  Arxiv
Tarixləri seç: 
 dən 
Fotogalereya
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
Müəllif yazıları
Qabil Mehdiyev
qabil-so@mail.ru
Mənim “İdman” sevgim
BATI YAR
batyyar@mail.ru
Balaca topçunun həyatına qıyan böyük topçuları ali ədalət qamçısı cəzalandıracaq
Leyla Qurbanova
leyla-6565@mail.ru
Bakı şəhər trasını seçməyin 5 səbəbi
Əli Fərəcov
alfaraj@mail.ru
Arzulara sədd yoxdur
Vüqar Məmmədov
vuqar-inqilaboqlu@mail.ru
III Avropa Oyunları hansı yeniliklərlə gələcək?
Aylıq bületenlərimiz
son sayımız əvvəlki sayımız
İdman qurğuları
Partnyorlar
Sayt Mozilla Firefox, Opera və Internet Explorer ilə tam dəstəklənir.
© 2011İDMAN. Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
Designed by V.Aliyev
Ünvan: Mətbuat prospekti, 529-cu məhəllə, 8-ci mərtəbə
İndex: AZ 1073;
Tel: (+99412) 434-57-32, (+99412) 510-53-10
Fax: (+99412) 510-53-10
E-mail: idman-sport@mail.ru