Ana səhifə  |  Haqqımızda  Əlaqə
 
  

                        
logo-veb
 Xəbərlər
28/03 | 11:06 Azərbaycanın daha 4 boksçusu Bakıdakı beynəlxalq turnirin finalına vəsiqə qazanıb
27/03 | 17:44 Azərbaycanın qadınlardan ibarət boks millisi Bakıdakı beynəlxalq turniri 9 medalla başa vurub
27/03 | 14:40 Azərbaycanın 5 ağırlıqqaldıranı Dünya Kubokunda çıxış edəcək
27/03 | 10:41 Minifutbol çempionatı: “Zirə” növbəti qələbəsini qazanıb
27/03 | 09:59 Azərbaycanın 2 boksçusu "Böyük İpək Yolu"nda bürünc medal qazanıb
26/03 | 22:36 Azərbaycan Kuboku: "Neftçi" qrup lideri kimi yarımfinala yüksəlib
26/03 | 16:40 Azərbaycanın iki qadın boksçusu Bakıdakı turnirdə finala vəsiqə qazanıb
26/03 | 15:39 Azərbaycan avarçəkəni İtaliyadakı turnirdə gümüş medal qazanıb
26/03 | 10:36 AVRO-2024-ə vəsiqə qazanacaq sonuncu komandalar müəyyənləşəcək
26/03 | 09:37 Azərbaycanın U-21 millisi bu gün Ukraynanı qəbul edəcək
25/03 | 22:00 Azərbaycan millisi Bolqarıstan yığması ilə heç-heçə edib
25/03 | 14:21 Azərbaycanın bədii gimnastı Qazaxıstanda bürünc medal qazanıb
25/03 | 13:32 Azərbaycanın daha bir gimnastı Yay Olimpiya Oyunlarına lisenziya qazanıb
25/03 | 11:43 Azərbaycan voleybol çempionatı: XVIII turun proqramı açıqlanıb
25/03 | 10:24 Azərbaycanın üç boksçusu Bakıdakı turnirə qələbə ilə başlayıb
24/03 | 20:25 Azərbaycan cüdoçuları "Böyük Dəbilqə"ni 4 medalla başa vurublar
24/03 | 17:26 Azərbaycan gimnastları Portuqaliyada gümüş medal qazanıblar
24/03 | 15:57 Bakıda "Böyük İpək Yolu" turnirinin açılış mərasimi keçirilib
24/03 | 13:19 Azərbaycanın basketbol millisi Gürcüstanda daha iki qələbə qazanıb
24/03 | 10:31 Azərbaycanın daha bir atıcısı Almaniyada beynəlxalq turnirdə qızıl medal qazanıb
23/03 | 20:42 Azərbaycan atıcısı Almaniyada beynəlxalq turnirdə qızıl medal qazanıb
23/03 | 16:34 Bakıda 11 ölkənin iştirakı ilə “Böyük İpək Yolu” turniri keçiriləcək
23/03 | 14:55 Azərbaycan gimnastları Qazaxıstanda keçirilən turnirdə 6 medal qazanıblar
22/03 | 19:37 “Böyük Dəbilqə”: Azərbaycan cüdoçuları ilk gündə 2 medal qazanıblar
22/03 | 11:27 Azərbaycan tamblinq millisi beynəlxalq turnirdə birinci yeri tutub
22/03 | 11:15 Göygöldə həndbol üzrə Azərbaycan birinciliyinin zona yarışlarına start verilib
22/03 | 10:59 Azərbaycan paraatletika millisi Qran-pridə çıxış edəcək
22/03 | 10:11 Azərbaycanın U-21 yığması bu gün İngiltərə ilə qarşılaşacaq
22/03 | 09:37 Azərbaycan futbol millisi bu gün Monqolustanla üz-üzə gələcək
21/03 | 21:34 "Qarabağ"ın U-14 komandası Minskdə keçirilən turnirdə çempion olub
21/03 | 18:38 Fərid Fərhadzadə Madriddə Dünya Triatlon İttifaqının rəsmiləri ilə görüşüb
21/03 | 17:29 Azərbaycan stolüstü tennisçiləri Ankarada beynəlxalq toplanışa qatılıblar
21/03 | 14:31 Azərbaycan Premyer Liqasında XXIX və XXX turun proqramı açıqlanıb
21/03 | 13:30 Bədii gimnastika üzrə 29-cu Azərbaycan çempionatının açılış mərasimi keçirilib
21/03 | 13:28 Azərbaycan gimnastları beynəlxalq turnirdə finala yüksəliblər
Digər xəbərlər 
 Millətlər Liqası. C divizionu. “C” qrupu
N: Komandalar O Q H M T/F X
1 Belçika 6 5 1 0 16-3 16
2 Avstriya 7 5 1 1 15-7 16
3 İsveçrə 5 2 0 3 11-8 6
4 Azərbaycan 6 1 1 4 4-12 4
5 Estoniya 6 0 1 5 2-18 1
 Premyer Liqa. Turnir cədvəli
N: Komandalar O Q H M T/F X
1 Qarabağ 27 21 3 3 71-23 66
2 Sabah 27 11 7 9 39-32 40
3 Neftçi 27 11 7 9 34-29 40
4 Zirə 27 10 9 8 21-18 39
5 Sumqayıt 27 10 9 8 26-32 39
6 Səbail 27 10 7 10 39-41 37
7 Turan Tovuz 27 9 8 10 41-38 35
8 Araz-Naxçıvan 27 8 8 11 27-36 32
9 Kəpəz 27 7 6 14 29-47 27
10 Qəbələ 27 4 4 19 20-51 16
Qolf

Bakıda qolf üzrə Zəfər Turnirinə yekun vurulub

Oktyabrın 8-də Xəyal adasında (Dreamland) start götürən qolf üzrə Zəfər Turnirinə yekun vurulub.

Gənclər və İdman Nazirliyi və Azərbaycan Qolf Federasiyasının təşkilatçılığı ilə keçirilən turnirin A kateqoriyasında Rəcəb Tural qızıl, Villiam Blankard gümüş, Elman Rzayev bürünc medal qazanıblar.

B kateqoriyasında isə Regina Bədəlbəyova qızıl, Villi Qarden gümüş, Kallum Stüart isə bürünc medala layiq görülüblər.

Azərbaycan Qolf Federasiyasının ümumi yığıncağı keçirilib

Fevralın 10-da Azərbaycan Qolf Federasiyasının ümumi yığıncağı keçirilib. Dövlət Himnimizin səsləndirilməsi ilə başlanan tədbirdə əvvəlcə gənclər və idman naziri Fərid Qayıbov yığıncaq iştirakçılarını salamlayaraq onlara uğurlar arzulayıb.

Sonra, Azərbaycan Qolf Federasiyası rəhbərliyinə seçkilər keçirilib. Rauf Xəlilov Azərbaycan Qolf Federasiyasının prezidenti seçilib.

Yığıncaqda həmçinin Anar Əzimov federasiyanın vitse-prezidenti vəzifəsinə seçilib. Qolf Federasiyası İdarə Heyətinə də seçkilər keçirilib. Zakir İbrahimov, Kamran Qasımov, Tural Vəlizadə, Nigar Süleymanova və İlqar Rüstəmov İdarə Heyətinə üzv seçiliblər.

Azərbaycan Qolf Federasiyasının yeni prezidenti Rauf Xəlilov çıxış edərək ona göstərilən etimada görə yığıncaq iştirakçılarına təşəkkür edib və bu idman növünün inkişafı üçün görüləcək işlər və qarşıdakı planlar barədə fikirlərini bildirib.

Mayda Bakıda qolf oyunu keçiriləcək

İdman tədbirləri arasında ən kübar tədbir bu ilin mayında ölkəmizdə, “Dreamland Golf Club”un ərazisində Azərbaycanda "Mercedes-Benz"in rəsmi distribüteri olan "Autocapital-Azerbaijan" şirkətinin dəstəyi ilə keçiriləcək.

Bu il "MercedesTrophy" qolfçu-amatorlar arasında regional finala vəsiqə qazanmaq uğrunda mübarizəyə 80 idmançı qoşulacaq ki, onların arasında biznes-elitanın nümayəndələri və ulduz idmançılar var.

"MercedesTrophy - Daimler AG" tərəfindən 1989-cu ildən etibarən keçirilən qolf üzrə amator turnirlər seriyasıdır. "MercedesTrophy"nin finalı hər il Ştutqartda keçirilir və burada 25-35 ölkədən gəlmiş oyunçular iştirak edir. "MercedesTrophy" turnirlərinin müxtəlif səviyyəli iştirakçılarının ümumi sayı dünya üzrə 60 min nəfərə qədərdir.

"MercedesTrophy" nəinki idman yarışıdır, o, həm də brendin pərəstişkarları üçün əla beynəlxalq kommunikasiya platformasıdır.

Tədbir zamanı qonaqlar və iştirakçılar yalnız qolf oyunundan həzz almayacaq, onlar həmçinin "Qolf məktəbi"ndə dərs keçə, dost və tanışlarının əhatəsində istirahət edə biləcəklər, eyni zamanda, "Mercedes-Вenz"in ən aktual modellərinin testini keçirəcəklər.

Turnir Bakıda qolf oyunu üçün yeganə meydança olan və rəsmi olaraq Avropa Qolf Assosiasiyası (EGA) tərəfindən qiymətləndirilmiş, qəbul edilmiş elit "Dreamland Golf Club" qolf kompleksində keçiriləcək.

Tədbirin tərəfdaşları "Mybrands" mağazalar şəbəkəsidir.

Qeyd edək ki, 20 ildir fəaliyyət göstərən "Mybrands" mağazalar şəbəkəsi dəbli və keyfiyyətli brendlər təqdim edir. Şəbəkəyə "Tommy Hilfiger", "Lacoste", "United Colors of Benetton", "Sisley", "Accessorize", "Monsoon", "Tara Jarmon", "Liu Jo", "Coccinelle", "Coast", "Bebe", "Monnalisa", "Pablosky", "adL", "Adidas" kimi dünya şöhrətli brendlərin mağazaları daxildir. Şəbəkənin əsas məqsədi dəbi, yüksək keyfiyyəti əlçatan etməkdir. "Mybrands" mağazalar şəbəkəsi haqqında daha ətraflı məlumatı Instagram (@mybrands.az) və “Facebook”dakı rəsmi səhifələrdən əldə edə bilərsiniz.

İlk qolf turnirini Türkiyə vətəndaşı qazandı

Bu gün Qubada ümummilli lider Heydər Əliyevin xatirəsinə qolf üzrə turnir keçirildi. İdman.com.az saytı xəbər verir ki, Milli Qolf Klubunda təşkil olunmuş yarışda ölkə vətəndaşları ilə yanaşı, Azərbaycanda əmək fəaliyyəti göstərən əcnəbilər də iştirak etdilər.

Ölkəmizdə ilk dəfə keçirilmiş bu tədbirin əsas məqsədi qolf bacarıqlarına malik olan yerli və xarici qolfçular üçün maraqlı və rəqabətli yarış təşkil etmək, eyni zamanda bizim üçün yeni olan bu idman növünün daha geniş kütləyə çatdırılmasını təmin etmək və Azərbaycanı yeni qolf məkanı kimi dünyaya təqdim etməkdir. Qolf federasiyasının qarşıya qoyduğu əsas hədəf gələcək Olimpiya oyunlarına milli qolfçuların hazırlanması, onların mötəbər arenalarda iştirakının uğurla təmin olunmasıdır.

Yarış 18 dəlikli «Mixed Stroke Play» formatında keçirildi. Bir mərhələdən ibarət olan turnirdə müxtəlif «handicap» göstəricisinə malik olan həvəskar golfçular da iştirak etdilər: 44 kişi, 6 qadın.

İyunun 7-də həm də turnirin açılışı baş tutdu. Çıxış edən AQF-in prezidenti Anar Məmmədov, qolfun ölkəmizdə 2 ildir yarandığını dedi. Bildirdi ki, bu vaxt ərzində paytaxtda federasiyanın inzibati binası, Qolf Akademiyası və Qubada Milli Qolf Klubu inşa edilib. Sitat: «Bu gün Qubada ulu öndərin xatirəsinə yarış keçirilir. Çalışacağıq ki, turnirlərin sayını artıraq. İyulun sonunda elə bu məkanda peşəkarlar arasında qitə miqyaslı «Çağırış kuboku» təşkil olunacaq. Məqsədimiz qolfun ölkəmizdə marağı daha artırmaqdır».

Yarışda ilk 3 yeri tutanlar qolfçular kubok və müxtəlif mükafatlarla təltif olundular. Maraqlı mübarizə şəraitində keçmiş rəqabətdə ilk yeri türkiyəli Mahmud Qoylu tutdu. Növbəti pilləyə Koreya vətəndaşı Yanq Van Kim sahib çıxdı. İngilis Riçard Çarlz 3-cü oldu.

İştirakçılardan toplanan qeydiyyat haqları xeyriyyə məqsədi ilə istifadə olunacaq. Əldə olunan gəlir «Əlilliyə Erkən Yardım Portec Həbəkəsi» İctimai Birliyinin vasitəçiliyi ilə əlilliyi olan uşaqlar üçün əlil arabalarının alınmasına sərf olunacaq.

Kamran HACI, Quba

AQF-in baş katibi: Peşəkar idmançılarımızın sayının artacağına inanıram

«Hər mövsüm 5-6 yarış keçirməyi planlaşdırırıq. Bunların arasında həm həvəskar, həm də peşəkar səviyyəliləri var». Bunu idman.com.az saytına açıqlamasında, bu gün ümummilli lider Heydər Əliyevin xatirəsinə Qubada keçirilən turnirində AQF-in baş katibi Nigar Süleymanova dedi. O bildirdi ki, sözü gedən yarış ənənəvi xarakter olacaq və gələn ildən peşəkarlar arasında təşkil ediləcək. Gələn ayın sonunda isə, Qubada Avropa Çağırış kuboku keçiriləcək və məqsəd həmin turnirdə qənaətbəxş təmsil olunmaqdır:

«Bu yarışda 152 peşəkar qolfçu mübarizə aparacaq. Turnirin ümumi mükafat fondu 300 min avrodur. Bu, yalnız 80 nəfər arasında bölünəcək. İlk yerin sahibi 30 min qazanacaq. 5 günlük yarış təsnifat xarakterli olacaq. Fərqlənənlər, növbəti, daha səviyyəli yarışa adlayacaqlar. Bizim ümidlilərimizdən birincisi Kamran Zeynalovdur. O, 2 «handicap» göstəricisi olan qolfçudur. Bu, bizə görə böyük nailiyyətdir.

Artıq mili komandamızın şotlandiyalı baş məşqçisi Spensor Henderson bura təşrif buyurub. O, çox yaxşı mütəxəssisdir. Onun təcrübəsi sayəsində peşəkar idmançılarımızın sayının artacağına inanıram. Başlıca hədəfimiz Rio olimpiadasıdır. İstəyirik ki, oyunlarda öz idmançılarımız iştirak etsin».

Kamran HACI

Kamran Zeynalov: «Rio olimpiadasına düşmək istəyirəm»

«Bakıda doğulmuşam. 10 yaşımda Şotlandiyaya köçmüşük. Qolfun sirlərini də orada öyrənmişəm». Bunu idman.com.az saytına özəl açıqlamasında, bu gün ümummilli lider Heydər Əliyevin xatirəsinə Qubada keçirilən turnirində iştirak edən peşəkar qolfçu Kamran Zeynalov dedi. Milli komandanın üzvü bildirdi ki, ölkəmizdə qolf idmanın açılmasını eşidəndə, məmnuniyyətlə Vətənindən çıxış etməyə qərar verib:

«Məşqlərimi Şotlandiya keçirəm. Orada həm oxuyur, həm də işləyirəm. Yığma komanda toplaşan zaman, Azərbaycana. Burada şərait əladır. Allah qoysa, məşqlərimi davam etdirib, turnirdə öz bacarığımı göstərib, Rio olimpiadasına düşmək istəyirəm. Bu, çətin deyil. Sadəcə, çox çalışmaq lazımdır».

K.HACI

Anar Məmmədov: Məqsədimiz, Rio-2016-da iştirak etməkdir

«Qolfun ölkəmizdə yeni yaranmasına baxmayaraq, biz 2 il ərzində çox iş görmüşük. Qısa zamanda Qolf Akademiyası və Qubada Milli Qolf Klubu tikilərək, istifadəyə verilib». Bunu idman.com.az saytına özəl açıqlamasında, bu gün ümummilli lider Heydər Əliyevin xatirəsinə Qubada keçirilən qolf turnirində AQF-in prezidenti Anar Məmmədov dedi.

O bildirdi ki, iş bununla yekunlaşmayacaq. Əsas hədəflərdən biri olimpiyada təmsil olunmaqdır: «Rio olimpiadasına 2 il vaxt qalır. Var gücümüzlə çalışırıq. Məqsədimiz olimpiya oyunlarında iştirakdır».

Kamran HACI

Ulu öndərin xatirəsinə qolf turniri

İyunun 7-də ölkəmizdə ilk dəfə qolf üzrə beynəlxalq turnir keçiriləcək. İdman.com.az saytı xəbər verir ki, ümummilli lider Heydər Əliyevin xatirəsinə həsr olunacaq bu yarış Quba Milli Qolf Klubunda baş tutacaq.

Tədbirin əsas məqsədi qolf bacarıqlarına malik olan yerli və əcnəbi qolfçular üçün maraqlı və rəqabətli yarış təşkil etmək, eyni zamanda ölkəmiz üçün yeni olan bu idman növünün daha geniş kütləyə çatdırılmasını təmin etmək və Azərbaycanı yeni qolf məkanı kimi dünyaya təqdim etməkdir.

Yarış 18 dəlikli “Mixed Stroke Play” formatında təqdim olunacaq. Turnirdə müxtəlif “handicap” göstəricisinə malik olan həvəskar golfçular iştirak edəcəklər.

Qolf federasiyasının açılışı olub

Bu gün Azərbaycan Qolf Federasiyasının (AQF) inzibati binasının açılışı oldu. İdman.com.az saytı xəbər verir ki, mərasimdə gənclər və idman naziri Azad Rəhimov, AQF-in prezidenti Anar Məmmədov, MOK-un vitse-prezidenti Xəzər İsayev, olimpiya çempionları Namiq Abdullayev, Zemfira Meftəhəddinova, Elnur Məmmədli, millət vəkilləri Adil Əliyev, Rauf Əliyev və digər rəsmilər iştirak etdilər. Qonaqlar qolf idmanı haqqında məlumat alıb, binada yaradılan infrastrukturla tanış oldular. Sonra idman ictimaiyyəti yeni yaradılmış Qolf Akademiyasına baş çəkdilər. Orada qonaqlara akademiya haqqında geniş məlumat verildi.

Qeyd edək ki, binasının tikintisinə ötən ilin aprelindən başlanılıb. Akademiyanın ümumi sahəsi 2400 m2-dir. Tikinti zamanı Avropanın aparıcı qolf akademiyalarının təcrübələrindən istifadə olunub. Binada yeraltı parkinq, soyunma otaqları, duş, iki qolf simulyator otağı və müştərilər üçün kafe fəaliyyət göstərir. Azərbaycan Qolf Federasiyası da qeyd olunan binada yerləşir. Xeyli muddətdir ki, AQF Bakı məktəblərində SNAG keçirib və 1000 nəfər orta təhsilliyə qolf oynamağı öyrədib.

SNAG abreviaturası – “Start New At Golf” olaraq açılır və qolfun qısa zamanda əyləncəli və maarifləndirici şəkildə maksimum insanlara təqdim edilməsi layihəsidir. SNAG müxtəlif yaş və sosial təbəqələrə məxsus insanların özlərini qolfda sınamalarına imkan verən yeganə proqramdır.

Açılış mərasimdə çıxış edən AQF-in prezidenti Anar Məmmədov Qolf Akademiyasının açılışının bütün Azərbaycan üçün və ölkə idmanı üçün əlamətdar bir hadisə olduğunu vurğuladı:

- Bir neçə gün öncə cənab Prezident İlham Əliyev Qubada, regionun ən böyük qolf meydançasının açılışında iştirak etmişdi. Bu gün isə biz Qolf Akademiyasının açılışına toplaşmışıq. Bunlar Azərbaycanda idmanın kütləviliyinin artırılması istiqamətində həyata keçirilən köklü islahatların real nəticələridir. Bu islahatların bölgələri də əhatə etməsi nəticəsində regionlarda idmanla məşğul olanların sayının sürətlə artması müşahidə olunur. İndi regionlarda müasir idman infrastrukturu yaradılır, yenilərinin təməli qoyulur. Azərbaycanda idmanın bütün növlərinin inkişafı diqqət mərkəzindədir. Qubada Milli Qolf Klubunun yaradılması bunun əyani təsdiqidir. Milli Qolf Akademiyası isə peşəkar qolfçuların və qolf həvəskarlarının hazırlanması üzrə aparıcı mərkəz olacaq.

Gənclər və idman naziri Azad Rəhimov, öz növbəsində, qolf idmanının faydasından danışdı. Dedi ki, bu idman növü «olimpiya ailəsi»nə daxildir. Bunun üçün qolfa diqqəti ikiqat artırmalıyıq. Sitat:

- 2 ildir qolf olimpiya prorasmına salınıb. Bizdə bu idman növü yeni yarıdılıb. Artıq beynəlxalq federasiyanın üzvüyük. Sevindiricidir ki, Quba və Bakıda qolf meydançaları istifayədə verilib. Bu, qısa müddətdə böyük uğurdur.
Qolfun bir üstünlüyü ondadır ki, onunla hamı məşğul ola bilər. İşlər bundan sonra da peşəkar istiqamətdə aparılsa, Rio-2016-ya lisenziya qazana bilərik. Düzdür, hələ uğurdan danışmaq tezdir. Amma olimpiadada iştirakın özü böyük nailiyyətdir.

Akademiya ərazisinə 2 qolf simulyator daxildir. Sport Coach Systems şirkətinin istehsalı olan bu simulyatorlarda dünyadakı ən aparıcı qolf sahələrinin xəritələri var. Qolf sevənlər üçün bu simulyatorlar vasitəsilə 130 virtual qolf meydançasında qolf oynaya imkanı var və həmin qolf meydançalarının 28-i Avropa çempionatlarının keçirildiyi sahələrdir.

Qeyd olunan meydançalar içində Quba qolf sahəsi də var. Arzu edənlər burada duraraq, Böyük Britaniyada və ya başqa ölkədə, o cümlədən Qubadakı qolf meydançasında qolf oynaya bilər. Bu simulyatorlar təlim, tədris, test və qolf inventarının seçimi üçün ideal avadanlıqlardır.
Akademiyanın ərazisində həmçinin “Championship 8 hole mini golf” konsepsiyasında dizayn edilmiş və son nəsil sintetik ot örtüyündən ibarət qolf meydançası yerləşir. Meydançada PGA (Professional Golf Association) dərəcəli instruktorlar qolfla maraqlananlara qolf təlimləri keçir. Bundan başqa, bazanın meydançası qolf oynamaq istəyənlər üçün də açıqdır.

Meydançanın ümumi sahəsi 14,000 m2-dir ki, onun 6,700 m2 Hollandiya istehsalı olan sintetik otla örtülüb. Ümumilikdə, kompleksin dizaynını Niderlandın dünyaca məşhur “European Golf Group” şirkəti hazırlayıb. Meydançanın solunda qolf sevənlərin öz oyun texnikalarını təkmilləşdirmək üçün xüsusi təlim sahəsi olan “Driving range” yerləşir. Bu sahə topu saxlamaq üçün 24 metrlik xüsusi divarla əhatələnib. Yeni məşğul olanlar adətən, təlimə məşq meydançasında başlayırlar və bundan sonra qolf meydançasında qolf oynaya bilərlər.

Kamran HACI

AQF ölkədə qolfun təbliğatında səylərini davam etdirir

Federasiya bu məqsədlə İşçi Qrupları yaradıb

Azərbaycan Qolf Federasiyası (AQF) ölkədə qolfun təbliğatında, tanıdılmasında öz səylərini davam etdirir. AQF insanların qolf idman növünə cəlb olunması, onlarda qolfa marağı artırmaq məqsədilə federasiya daxilində İşçi Qrupları (AGF Workshops) yaradılıb. İşçi qrupları cəmiyyətin müxtəlif təbəqələri üçün, müxtəlif yerlərdə təqdimatlar, pulsuz seminarlar və treyninqlər keçirir.

“Bildiyiniz kimi, Azərbaycan Qolf Federasiyası bu il yaranıb və yarandığı gündən ölkə qolfunun inkişafı, qolf meydançalarının tikilməsi, akademiyaların yaradılması kimi qarşısına mühüm tapşırıqlar qoyub. Artıq regionlarda qolf meydançaları tikilir, paytaxtda akademiyalar yaradılır. Bu siyasətin davamı kimi, federasiya daxilində İşçi Qrupları yaradılıb, hansılarkı müxtəlif yaş qrupları üçün təqdimatlar və treyninqlər keçirir. Bu yöndə qruplar məktəbləri, ali təhsil ocaqlarını və digər yerləri ziyarət edir, qolf və AQF-nin fəaliyyəti haqqında məlumatlandırırlar” – deyə federasiyanın Baş Direktoru Dominik Nouton bildirib.

Federasiyadan idman.com.az saytına verilən məlumatına görə, eyni zamanda İşçi Qrupları müəllimlərə qolf müəllimi akkreditasiyasını almaq üçün seminarlar və treyninqlər keçirəcək.

Qeyd edək ki, AQF 2012-ci ilin əvvəllərində yaradılıb. Federasiyanın əsas missiyası Azərbaycanda idman növü olaraq qolfu inkişaf etdirmək, daha populyarlaşdırmaq və kütləviləşdirməkdir.

AQF-in baş direktoru: “Azərbaycanda qolfun inkişafı uğurla aparılır”

Federasiyanın fəaliyyəti sərgi iştirakçılarının böyük marağına səbəb olub

Azərbaycan Qolf Federasiyası (AQF) noyabr ayının 28-dən 30-dək “Bakı Ekspo” mərkəzində keçirilən yeni sərgi layihəsi – Sport Expo-2012 beynəlxalq “İdman, İdman ləvazimatı və geyimi” sərgisində iştirak edir. AQF-in lövhəsində ziyarətçilərə mini qolf və virtual qolf oyununu təqdim olunur və maraqlananların sualları cavablandırılır. Bundan başqa, stenddə sərgi iştirakçıları üçün qolf maçtları keçirilir. Qaliblərə qiymətli hədiyyələr verilir.

AQF-in mətbuat xidmətindən idman.com.az saytına verilən xəbərə görə, sərginin açılış günündə baş direktor Dominik Nouton iştirak edib. O, ölkəmizdə qolfun inkişafı və federasiyanın fəaliyyəti haqqında məlumat verib: “Bu gün Qolf Federasiyası öz fəaliyyəti, ölkə qolfunun inkişafı və uğurlarını qismən də olsa, ictimaiyyətə canlı olaraq göstərə bildi.

Ümumiyyətlə, qolf Azərbaycanda yeni yaranıb. Lakin buna baxmayaraq, artıq paytaxtda və regionlarda qolf meydançaları tikilir. Bu yaxınlarda Beynəlxalq Qolf Federasiyalarına da üzv seçilmişik. Demək, ölkədə qolfun inkişafı uğurla aparılır. Əminəm ki, çox yaxın gələcəkdə qolf Azərbaycanda ən sevimli idman növlərindən biri olacaq”.

Qeyd edək ki, “Sport Expo-2012” sərgisində 50-dən çox təşkilat iştirak edir. Bunlar arasında idman və idman sənayesi sahəsində fəaliyyət göstərən özəl və dövlət sektorlarının nümayəndələri, ictimai təşkilatlar, idman federasiyaları və klublardır.

AQF 2012-ci ilin əvvəlində yaradılıb. Federasiyanın əsas məqsədi Azərbaycanda bu olimpiya idman növü inkişaf etdirmək, daha populyarlaşdırmaq və kütləviliyini təmin etməkdir.

Kamran HACI


Məlumatların sayı: 11     

  Arxiv
Fotogalereya
  • Rafiq Hüseynovun qələbə sevinci
  • İrina Zaretska Karate 1 Premyer Liqa seriyası yarışında qızıl medal qazanıb
  • Azərbaycan cüdoçusu qızıl medal qazanıb
  • İrina Kindzerska Tokio Olimpiadasının yarımfinal mərhələsinə yüksəlib
  • Mariya Stadnik ardıcıl dördüncü Olimpiadada mükafatçılar sırasında yer alıb
  • Zöhrə Ağamirova Tokio olimpiadasında halqa ilə çıxışını təqdim edib
  • Azərbaycanın qrup hərəkətləri komandası toplarla çıxışı Tokio olimpiadasında
  • Azərbaycan idmançıları Tokio olimpiadasında
  • Azərbaycan idmançıları Tokio olimpiadasında
  • Rafiq Hüseynovun Tokio Olimpiadasında qələbə sevinci
"İdman" qəzeti
"İdman" qəzeti, №21, 12 oktyabr 2021
"İdman" qəzeti, №20, 28 sentyabr 2021
"İdman" qəzeti, №19, 14 sentyabr 2021
Aylıq bületenlərimiz
son sayımız əvvəlki sayımız
İdman qurğuları
Partnyorlar
Sayt Mozilla Firefox, Opera və Internet Explorer ilə tam dəstəklənir.
© 2011İDMAN. Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
Designed by V.Aliyev
Ünvan: Bakı şəhəri, Nərimanov rayonu, Sülh küçəsi, 2A
İndex: AZ 1072
E-mail: idman-sport@mail.ru