Azərbaycan Respublikası Gənclər və İdman Nazirliyinin rəsmi orqanı
  Ana səhifə  |  Haqqımızda  Əlaqə
 
  

                        
logo-veb
30.10.2018 AGIN
2019-cu ilin idman təqvimi
13.02.2017 Bakı-2017
IV İslam Həmrəyliyi Oyunları. Bakı, 12-22 May 2017
01.02.2017 AGIN
2017-2020-ci illər üçün Azərbaycan Respublikasının vahid idman təsnifatı
 Xəbərlər
19/06 | 17:49 Alim Nəbiyev növbəti döyüşünü Parisdə keçirəcək
19/06 | 16:42 UEFA Avropa Liqası: “Speranta” – “Neftçi” görüşünün keçiriləcəyi stadion müəyyənləşib
19/06 | 16:09 “Səbail” futbol klubu müdafiəçi Maudo Jarjue ilə yollarını ayırıb
19/06 | 15:03 Qazaxıstanlı şahmatçı Asiya çempionatının qalibi olub
19/06 | 14:32 “Sumqayıt” klubu ənənəvi “Yay futbol düşərgəsi” layihəsinə start verib
19/06 | 13:03 “Bakı-2019” Avropa Gənclər Yay Olimpiya Festivalı diplomatik brifinqə ev sahibliyi edib
19/06 | 11:31 Milli Olimpiya Komitəsində “İdmançılar” İctimai Birliyinin təqdimatı keçirilib
19/06 | 11:00 Azərbaycan II Avropa Oyunlarında 82 idmançı ilə təmsil olunacaq SİYAHI
19/06 | 10:20 Qılıncoynadanlarımız qadın sablyaçıların şəxsi yarışında çıxışını başa vurub
19/06 | 10:03 Azərbaycanın iki güləşçisi Avropa çempionu olub
19/06 | 09:51 İki idmançımız Tunisdə dünya çempionu olub
18/06 | 17:09 II Avropa Oyunlarının “Sülh alovu” estafeti Minskdəki Dövlət Bayrağı Meydanına gətirilib
18/06 | 16:01 Qadın güləşçilərimizin Minskdə təlim-məşq toplanışı davam edir
18/06 | 15:59 Çimərlik futbolu üzrə Azərbaycan birinciliyi keçirilib
18/06 | 15:49 “Judo Club 2012”-nin yetirməsi gümüş medal qazanıb
18/06 | 15:36 Vəkillər arasında şahmat yarışı keçirilib
18/06 | 14:31 Çimərlik futbolu üzrə Azərbaycan birinciliyi keçirilib
18/06 | 13:38 Şahmat üzrə “Armaqeddon 2019” turnirinin qalibi müəyyənləşib
18/06 | 12:41 Şahmat üzrə “Gənclər kuboku” uğrunda komanda reytinq yarışı keçirilir
18/06 | 11:13 Stolüstü tennisçilərimiz Çində təlim-məşq toplanışında iştirak edirlər
18/06 | 10:06 İtaliyada keçirilən yeniyetmələr arasında Avropa çempionatında iki güləşçimiz finala vəsiqə qazanıb
18/06 | 09:02 İdmançılarımız Minskdə keçiriləcək II Avropa oyunlarına yola salınıb
17/06 | 16:17 Azərbaycanı “Minsk-2019”da təmsil edəcək boksçular müəyyənləşib
17/06 | 12:01 “Səbail”in Bolqarıstandakı rəqibləri müəyyənləşib
17/06 | 11:44 “Xəzər-Lənkəran” komandası Topaz Futbol Festivalının mini futbol üzrə regional turnirinin qalibi olub
17/06 | 10:52 Ukraynanın futbol üzrə U-20 yığması dünya çempionu olub
17/06 | 09:40 Uşu üzrə Bakı kuboku yarışlarına yekun vurulub
16/06 | 15:57 Uşu üzrə Bakı kuboku yarışları başlayıb
16/06 | 14:27 Braziliya ciu-citsusu üzrə Bakı çempionatına start verilib
16/06 | 12:39 Azərbaycan Badminton Federasiyasının hesabat-seçki konfransı keçirilib
16/06 | 11:02 Yeniyetmələr arasında Azərbaycan çempionatına yekun vurulub
16/06 | 10:05 Futvolley üzrə Azərbaycan kuboku yarışı keçiriləcək
15/06 | 17:02 Yeniyetmələr arasında atletika üzrə Azərbaycan çempionatına start verilib
15/06 | 16:17 Paralimpiya hərəkatı əlilliyi olan insanlar arasında təbliğ edilir
15/06 | 14:51 Doqquz yaşlı gimnast Mina Abbasova bu dəfə doğma Bakıda qızıl medal qazanıb
Digər xəbərlər 
 Topaz Premyer Liqası
N: Komandalar O Q H M T X
1 Qarabağ 28 20 6 2 65-21 66
2 Neftçi 28 17 7 4 52-26 58
3 Səbail 28 12 5 11 34-37 41
4 Qəbələ 28 9 9 10 31-33 36
5 Zirə 28 8 7 13 30-40 31
6 Sabah 28 8 5 15 24-42 29
7 Sumqayıt 28 7 6 15 20-41 27
8 Keşlə 28 6 5 17 29-45 23
Sumqayıt şəhərində Paralimpiya İdman Mərkəzinin açılış mərasimində Azərbaycan Prezidenti İlham Əliyevin çıxışı
Tarix: 28.08.2008 | Saat: 12:57:00 | E-mail | Çapa göndər
- Əziz dostlar,
əziz paralimpiyaçılar!
İlk növbədə, mən sizin hamınızı Paralimpiya İdman Mərkəzinin açılışı münasibətilə ürəkdən təbrik edirəm.
Bu mərkəz imkan verəcək ki, siz istənilən vaxt məşq edəsiniz, burada yarışlar keçirmək mümkündür. Mən xatırlayıram, bir neçə il bundan əvvəl belə bir təklif irəli sürülmüşdür ki, paralimpiyaçılar üçün xüsusi bir idman mərkəzi yaradılsın. Azərbaycanın inkişafı, maddi imkanlarımızın artması nəticəsində indi biz istənilən layihəni həyata keçirə bilərik. Əlbəttə, çalışırıq ki, idmançılar və paralimpiyaçılar üçün bütün lazımi şəraiti yaradaq. Bu gün mənə verilən məlumata görə, bütün MDB məkanında ilk dəfədir ki, paralimpiyaçılar üçün xüsusi və çox yüksək səviyyədə, yüksək dünya standartlarına uyğun şəkildə idman mərkəzi tikilibdir.
Bir də deyirəm ki, mən bu gün bu mərkəzlə tanış olarkən bir daha gördüm ki, məşq etmək, yarışların keçirilməsi üçün burada bütün şərait, bütün imkanlar var. Əminəm ki, siz bu idman mərkəzindən çox səmərəli şəkildə istifadə edəcək və öz hazırlıq səviyyənizi daha da yüksəkdə saxlayacaqsınız.
Bütövlükdə Azərbaycanda idman infrastrukturunun inkişafı üçün çox böyük səylər göstərilir. Ölkəmizin istənilən bölgəsində müasir komplekslər, böyük olimpiya kompleksləri, idman meydançaları tikilir. Azərbaycanda idmanın inkişafı üçün lazımi maddi-texniki baza möhkəmlənir, güclənir və biz bunun nəticələrini idmançılarımızın uğurlu çıxışlarında, beynəlxalq yarışlarda əldə etdiyimiz qələbələrdə, xüsusilə çox gərgin şəkildə keçməsinə baxmayaraq, Olimpiya oyunlarında görürük. Olimpiya oyunları dünyanın ən birinci idman yarışıdır və bizim idmançılarımız çox böyük uğurlar qazanmışlar, Vətənə qələbələrlə, medallarla qayıtmışlar.
Siz də öz həyatınızı idmana həsr etmisiniz. Sizin həyatınızda idman çox böyük bir yer tutur. Mən çox şadam ki, biz Azərbaycanda belə gözəl mərkəzin yaranmasına nail ola bilmişik.
Əlbəttə ki, idman həyatı asan deyil. İdmanda yüksək nəticə əldə etmək üçün çox böyük işlər görülməlidir və idmançılar öz həyatını idmana, məşqlərə həsr edirlər. Sizin üçün bu, bəlkə də, ikiqat ağırdır. Paralimpiyaçıların idmana olan sədaqəti və xüsusilə Azərbaycan paralimpiyaçılarının uğurları və beynəlxalq yarışlarda iştirakı böyük qəhrəmanlıqdır.
Azərbaycan dövləti sizin bu səylərinizi çox yüksək qiymətləndirir və qiymətləndirməlidir. Məhz buna görə maksimum dərəcədə çalışırıq ki, sizin üçün lazımi şəraiti yaradaq. O cümlədən belə gözəl idman mərkəzinin tikintisi bunu bir daha sübut edir.
Mən çox şadam ki, Azərbaycanda Paralimpiya Komitəsi fəaliyyətini genişləndirir və ümumiyyətlə, Paralimpiya oyunlarında iştirak edən idmançıların sayı artır. Bizim Paralimpiya oyunlarında nəticələrimiz də hər dəfə daha da böyük olur. Keçən dəfə, Afinada Paralimpiya oyunlarında dörd medal qazanılmışdır. Onlardan ikisi qızıl, biri gümüş, biri bürünc medal idi. Yəni bu, böyük göstəricidir, böyük nailiyyətdir və biz buna çox sevinirik.
Hamımız yaxşı bilirik ki, Olimpiya oyunları dünyanın nəinki ən mötəbər idman yarışıdır, hətta bəlkə də, dünyanın diqqətini cəlb edən birinci dərəcəli tədbirdir. Paralimpiya oyunları, təbii ki, Olimpiya oyunlarının bir növ kölgəsində qalır. Ancaq biz elə etməliyik ki, bu oyunlara da diqqət azalmasın və dövlət, idmanın inkişafına cavabdehlik daşıyan qurumlar və şəxslər Azərbaycanda paralimpiya hərəkatının inkişafı üçün öz səylərini davam etdirməlidirlər.
Biz bu barədə çox danışa bilərik, amma ən yaxşı sözlərdən daha yaxşı bizim gördüyümüz işlərdir və bu gözəl paralimpiya kompleksinin timsalında biz Azərbaycanda son illər ərzində bu sahədəki işlərin nəticəsini də görürük.
Mən əminəm ki, siz bu kompleksdən Pekin Paralimpiya Oyunlarına hazırlıq baxımından da səmərəli şəkildə istifadə edəcəksiniz, baxmayaraq ki, artıq bir neçə gündən sonra siz yola düşəcəksiniz. Əminəm ki, sonrakı dörd illik dövr ərzində peşəkarlığınızı yüksək səviyyədə saxlamaq üçün burada bütün imkanlar var, bütün şərait var.
Onu da demək istəyirəm ki, Azərbaycan dövləti paralimpiyaçıların mükafatlandırılması üçün lazımi tədbirlər görür və görəcəkdir. Keçən dəfə biz bunu etdik. İndi isə bu gün mən Sərəncam imzalamışam və Sərəncama əsasən Paralimpiya oyunlarında yüksək nəticələr qazanan idmançılara pul mükafatı veriləcəkdir. Birinci yer üçün 200 min manat, ikinci yer üçün 100 min manat, üçüncü yer üçün isə 50 min manat vəsait veriləcəkdir. Mən hesab etmirəm ki, bu, böyük bir stimuldur. Ancaq bu, sizin fəaliyyətinizə dövlət tərəfindən verilən qiymətdir və əminəm ki, ədalətli bir qərardır.
Sizin hamınızı bu gözəl idman mərkəzinin açılışı münasibətilə bir daha ürəkdən təbrik edirəm, sizə cansağlığı və Pekində uğurlar, qələbələr arzulayıram.

X X X

Pauerliftinq üzrə yığma komandanın baş məşqçisi, əməkdar məşqçi VAQİF MÜSƏDDİQ görüşdə çıxış edərək dedi:
- Möhtərəm cənab Prezident,
Azərbaycan paralimpiyaçıları onlara hədiyyə etdiyiniz bu gözəl kompleksə görə Sizə öz minnətdarlığını bildirirlər.
Bu gün tarixi bir gündür. Ona görə ki, Sizin qeyd etdiyiniz kimi, MDB dövlətləri arasında bu, paralimpiyaçılar üçün tikilmiş birinci kompleksdir. Tarixi gündür ona görə ki, bu işlərlə əlaqədar ulu öndərimizin fikir və arzusu həyata keçmişdir.
Cənab Prezident, 2000-ci ilin oktyabr ayı Sizin xatirinizdədir. Biz Sidney Paralimpiya Oyunlarından qayıdandan sonra ulu öndərimiz bizi qəbul etdi. Həmin qəbulda mənə də söz verilmişdi. Mən çıxışımın sonunda bütün paralimpiyaçılar adından ulu öndərimizdən xahiş etdim ki, bizim üçün də bir idman kompleksi inşa olunsun. Ulu öndərimiz bu xahişimizə müsbət fikrini bildirdi və dərhal öz göstərişlərini verdi. Budur, indi biz bunun bəhrəsini görürük.
Bu paralimpiya bazası dahi insanın fikir və arzularının reallaşmasının baris nümunəsidir. Ona görə də biz inanırıq ki, ulu öndərimizin ölkəmizlə bağlı, xalqımızla bağlı bütün fikir və arzuları Sizin rəhbərliyiniz altında indiyə kimi pillə-pillə necə reallaşıbsa, sabah da reallaşacaqdır.
Möhtərəm cənab Prezident, bizə göstərdiyiniz diqqət və qayğıya görə bütün paralimpiyaçılar Sizə bir daha öz dərin minnətdarlığını bildirirlər.
Bir məsələyə də toxunmaq istərdim. Sizin 2008-ci il 5 fevral tarixli Sərəncamınızla paralimpiyaçı rəhbərlərə, idmançı və məşqçilərə fəxri adlar və medallar verilmişdi. Buna görə çox sağ olun. Biz söz veririk ki, Pekin Paralimpiya Oyunlarında əlimizdən gələni əsirgəməyəcək, uğurla çıxış edəcək və ölkəmizə mümkün qədər çoxlu medallar gətirəcəyik.
Möhtərəm cənab Prezident, biz həmişə sizinləyik. Çox sağ olun.

X X X

Sonra Afina Paralimpiya Oyunlarının cüdo üzrə qalibi, yığma komandanın kapitanı İLHAM ZƏKİYEV çıxış etdi:
- Möhtərəm Prezident,
paralimpiyaçıların əziz və sevimli dostu!
1999-cu ildə Qarabağda düşmən snayperinin gülləsindən başımdan aldığım ağır yara nəticəsində görmə qabiliyyətimi tamam itirdim. Yaşamağa ümid tükəndiyi bir vaxtda milli Paralimpiya Komitəsi Allahın izni ilə mənim köməyimə çatdı. Əvvəllər cüdo ilə məşğul olmağım, sözün əsl mənasında, məni yenidən həyata qaytardı. Məndə özümə inam və qələbə əzmi yarandı və iştirak etdiyim ilk Paralimpiya oyunlarından - Afinadan vətənə qızıl medalla döndüm. Bundan sonra mən dünya və ikiqat Avropa çempionu oldum.
Ötən dörd il komanda yoldaşlarım üçün də çox uğurlu oldu. Cənab Prezident, Sizin Paralimpiya Komitəsinə, paralimpiya hərəkatına göstərdiyiniz diqqət və qayğı olmasaydı, nə mən, nə də komanda yoldaşlarım bu qələbələri əldə edə bilməzdik. Şəxsən mən Sizin diqqət və qayğınızı həmişə hiss etmişəm. 2005-ci ildə Sizin tapşırığınızla məni İsrailə müayinəyə göndərdilər. Həmin ildə mən el adət-ənənəsi ilə toy elədim. Toyda da mən Sizin diqqətinizi hiss etdim. Mənə “QAZ-31” markalı maşın hədiyyə etdiniz. Fürsətdən istifadə edib, Sizə təşəkkürümü bildirirəm.
Cənab Prezident, Sizin xeyir-duanızla, inşallah, biz Pekin Paralimpiya Oyunlarına yola düşürük. Bu Oyunlarda Azərbaycanın bayrağını dalğalandırmaq şərəfi komandanın kapitanı kimi mənə həvalə olunubdur. Mən çalışacağam ki, bu etimadı Pekində qazandığım növbəti qələbəmlə doğruldum.
Çox sağ olun.

X X X

Prezident İLHAM ƏLİYEV idmançılara bir daha uğurlar arzulayaraq dedi:
- Sağ olun, xoş sözlərə görə təşəkkür edirəm. Bilin ki, mən həmişə sizinləyəm, həmişə sizinlə olacağam.
Mən xatırlayıram ki, o vaxt, 8 il bundan əvvəl ulu öndər Heydər Əliyevə müraciət edilmişdi və çox şadam ki, bu gün biz o müraciətin nəticəsini görürük. Doğrudan da verilən o qərar və artan imkanlarımız bizim üçün bu şəraiti yaradır. Biz də çalışırıq ki, Azərbaycanın ümumi uğurlu inkişafının bəhrəsini hər bir vətəndaş görsün, hər bir insan görsün. Bunu etmək üçün müxtəlif sosial proqramlar icra olunur, Əmək və Əhalinin Sosial Müdafiəsi Nazirliyinin xətti ilə də böyük işlər görülür. Bu kompleksin tikintisində onların böyük zəhməti, rolu olubdur.
İnsanların yaxşı yaşaması, maaşların, pensiyaların, sosial müavinətlərin artırılması üçün son illər ərzində çox böyük işlər görülübdür. İndi təxminən 500 minə qədər insan dövlət tərəfindən sosial yardım alır. Əvvəlki illərdə bunu biz böyük miqdarda edə bilmirdik, halbuki, həmişə buna böyük ehtiyac var idi. Bu gün isə bizim imkanlarımız var. Uğurlu iqtisadi siyasət, aparılan islahatlar nəticəsində bizim maddi imkanlarımız son beş il ərzində 10 dəfədən çox artıbdır. Ən önəmlisi odur ki, biz bu imkanlardan insanların həyat səviyyəsinin yaxşılaşdırılması üçün istifadə edirik. Ən çətin vəziyyətdə yaşayan insanların həyat səviyyəsinin qaldırılması çox vacibdir. Düzdür, yoxsulluq şəraitində yaşayanların sayı son illər ərzində böyük dərəcədə azalıbdır. Ancaq yenə də var. Vətəndaşlarımızın 16 faizi yoxsulluq şəraitində yaşayır. Görülən tədbirlər nəticəsində hər il bu rəqəm azalır. Ümid edirəm ki, gün gələcək, Azərbaycanda yoxsul adam olmayacaqdır. Yəni dövlət qayğısı bütün insanlara göstərilməlidir.
Azərbaycan güclü iqtisadi imkanlara malikdir. Biz bazar iqtisadiyyatı prinsipləri əsasında işləyirik. Ancaq güclü sosial siyasət həmişə olmalıdır. Bunun müxtəlif yolları var. Bayaq qeyd etdiyim kimi, həm maaşların, pensiyaların, sosial müavinətlərin artırılması, həm də ki, güclü sosial infrastrukturun yaranması. Bu kompleks həm idman infrastrukturudur, həm də sosial infrastrukturdur. Yəni Azərbaycanın dövlət siyasətinin bu iki vacib istiqamətini özündə birləşdirir.
Bir də demək istəyirəm ki, paralimpiyaçılar, sözün əsl mənasında, fədakar insanlardır. Onlar zədələrdən, yaralardan, bəzən sağalmayan yaralardan əziyyət çəkirlər. Ancaq buna baxmayaraq, öz fədakarlığını göstərərək, idmanla məşğul olur, Azərbaycanı təbliğ edirlər. Beynəlxalq yarışlarda Azərbaycanın bayrağını qaldırırlar və Azərbaycan xalqı bunu çox yüksək qiymətləndirir. Azərbaycan dövləti də çalışır ki, əlindən gələni etsin ki, sizin şəraitiniz, həyatınız daha da yaxşı olsun.
Mən sizə bir də demək istəyirəm ki, həmişə olduğu kimi, biz birlikdə olacağıq, hər bir Azərbaycan vətəndaşı kimi, mən də sizin bütün uğurlarınıza sevinirəm və sizin üçün daha yaxşı şəraitin yaradılması üçün bundan sonra da əlimdən gələni əsirgəməyəcəyəm.
Bir daha sizi təbrik edirəm, sizə uğurlar arzulayıram. Əminəm ki, Pekindən qayıdandan sonra biz sizin qələbələrinizi birlikdə qeyd edəcəyik.

X X X

Sonda Paralimpiya yığma komandasının üzvləri dövlətimizin başçısı ilə xatirə şəkli çəkdirdilər.
Prezident İlham Əliyev beynəlxalq yarışların, zona yarışlarının və təlim-məşq toplanışlarının iştirakçıları üçün kompleksin ərazisində inşası nəzərdə tutulan mehmanxananın konseptual layihəsi ilə də tanış oldu. Ümumi sahəsi 1120 kvadratmetr olacaq ikimərtəbəli mehmanxanada 30 otaq tikiləcəkdir.
Xəbər 2525 dəfə oxundu



 
Bölməyə aid digər xəbərlər
19.12.2017 Prezident İlham Əliyev 2017-ci ilin idman yekunlarına həsr olunan mərasimdə iştirak edib
25.10.2016 İlham Əliyev: "Bu, mühüm nailiyyətdir"
05.01.2016 Patrik Hikki: “Bakı-2015” Avropa Olimpiya Komitəsi üçün mühüm hadisədir
24.12.2015 Azərbaycan Prezidenti: Bizim idman uğurlarımız ildən-ilə artır
24.12.2015 Prezident İlham Əliyev 2015-ci ilin idman yekunlarına həsr olunan mərasimdə iştirak edib
25.09.2015 Azərbaycan Prezidenti İlham Əliyevin sədrliyi ilə IV İslam Həmrəylik Oyunlarının Təşkilat Komitəsinin birinci iclası olub
23.12.2014 Prezident İlham Əliyev idmançıları mükafatlandırdı
03.07.2012 Londonda keçiriləcək XXX Yay Olimpiya oyunlarında iştirak edəcək Azərbaycan nümayəndə heyətini yolasalma mərasimdə İlham Əliyevin nitqi
01.01.2012 Prezident İlham Əliyevin Dünya Azərbaycanlılarının Həmrəylik Günü və Yeni il münasibətilə Azərbaycan xalqına təbriki
05.05.2011 İmişli Olimpiya İdman Kompleksinin açılış mərasimində Prezident İlham Əliyevin çıxışı


  Arxiv
Tarixləri seç: 
 dən 
Fotogalereya
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
Müəllif yazıları
Qabil Mehdiyev
qabil-so@mail.ru
Mənim “İdman” sevgim
BATI YAR
batyyar@mail.ru
"Tokio-2020": Əsas medal ümidlərimizin olimpiya yolu
Leyla Qurbanova
leyla-6565@mail.ru
Bakı şəhər trasını seçməyin 5 səbəbi
Əli Fərəcov
alfaraj@mail.ru
Arzulara sədd yoxdur
Vüqar Məmmədov
vuqar-inqilaboqlu@mail.ru
Dünya kubokunun sirləri
Aynurə Aşırova
aynure.penah-2015@mail.ru
Velosipedlə sağlamlığa gedən yol
Aylıq bületenlərimiz
son sayımız əvvəlki sayımız
İdman qurğuları
Partnyorlar
Sayt Mozilla Firefox, Opera və Internet Explorer ilə tam dəstəklənir.
© 2011İDMAN. Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
Designed by V.Aliyev
Ünvan: Mətbuat prospekti, 529-cu məhəllə, 8-ci mərtəbə
İndex: AZ 1073;
Tel: (+99412) 434-57-32, (+99412) 510-53-10
Fax: (+99412) 510-53-10
E-mail: idman-sport@mail.ru