“Kəpəz”in hücumçusu Azərbaycan çempionatlarında yubiley qoluna imza atıb

“Kəpəz”in futbolçusu Amil Yunanov Azərbaycan çempionatlarında 50-ci qolunu vurub. 31 yaşlı hücumçunun yubileyi Azərbaycan Premyer Liqasının XXI turunda keçirilən “Araz-Naxçıvan”la ev görüşünə təsadüf edib. O, komandasının 3:1 hesabı ilə qalib gəldiyi matçda son qolun müəllifi olub. A.Yunanov Premyer Liqadakı 191-ci oyununda “50”yə çatıb. Forvardın orta məhsuldarlığı 0,26-ya bərabərdir. Bu, forvardın “Kəpəz”də ilk qolu olub. O, bunadək “Sumqayıt”da 28, “Şamaxı”da 14, “Səbail”də 6, “Qəbələ”də 1 dəfə fərqlənib. Qeyd edək ki, Amil Yunanovun Premyer Liqada ilk qolu 2011/2012-ci illər mövsümünə təsadüf edib. O, 2012-ci il mayın 11-də “Qəbələ”nin “Neftçi” ilə səfər görüşündə həlledici qola imza atıb – 1:0.

Xəbər 86 dəfə oxundu.