Bakıda keçirilən akrobatika gimnastikası üzrə 12-ci dünya yaş qrupları yarışlarında Rusiya ilk qızıl medalını qazanıb.12-18 yaş kateqoriyasında mübarizə aparan qadın qrupların final yarışında rusiyalı gimnastların çıxışı 28,050 xalla qiymətləndirilib.
ABŞ qrupu 27,800 xalla turniri ikinci, Portuqaliya komandası isə 27,320 xalla üçüncü pillədə başa vurublar.
Martın 6-dək davam edəcək yarışda idmançılar 12-18 və 13-19 yaş qrupları üzrə kişi cütlükləri, qadın cütlükləri, qarışıq cütlüklər, kişi qrupları, qadın qrupları proqramında qüvvələrini sınayırlar.
Ölkəmizdə ilk dəfə təşkil olunan yarışda 24 ölkədən 438 idmançı iştirak edir.
Xəbər 263 dəfə oxundu.