Futzal üzrə Yüksək Liqada IV turun oyunlarına hakim təyinatları açıqlanıb | |
Futzal üzrə Yüksək Liqada IV turun oyunlarına hakim təyinatları açıqlanıb. Turun oyunları oktyabrın 4-də keçiriləcək. Tura “Yasamal”– EKOL oyunu ilə start veriləcək. Saat 12:00-da başlayacaq görüşün baş hakimi Ramil Namazov olacaq. Saat 14:00-da start götürəcək “Record club”–“Neftçi” qarşılşaması Azər Əsgərova tapşırılıb. “Bakı”-“Premier” oyununda Mehman Mahmudov ədaləti qoruyacaq. Görüş saat 16:00-da başlayacaq. “Araz” və “Xızı” arasında keçiriləcək oyuna Əli Cəbrayılov təyinat alıb. Qarşılaşmanın start fiti saat 18:00-da səsləndiriləcək. Turun oyunları “Olimpik Star”da təşkil olunacaq. “Marafon”–“Baku Fire” oyunu birincilərin müraciəti əsasında təxirə salınıb. Qeyd edək ki, 9 xala malik “Araz” və “Neftçi” turnir cədvəlində ilk iki pillədə yer alıblar. EKOL, “Baku Fire” və “Bakı” 6 xalla 3-5-ci yerdə qərarlaşıblar. |
|
Xəbər 722 dəfə oxundu. |
|
|