Bu gün Çinin Tayuan şəhərində dünya olimpiya təsnifat turniri start götürüb. İdman.com.az saytının məlumatına görə, reqlamentə əsasən birnici güləş döşəyi üzərinə «sərbəstlər» çıxıblar. Adı çəkilən proqramda milli komandamız 2 idmançı ilə təmsil olunub.Şərqdən sevindirici xəbər var. 96 kq-da mübarizə aparan Hetaq Qazyumov yarımfinalda ukraynalı Valerii Andritsevi hər 2 hissədə üstələyərək (1:0, 1:0), London Yay Olimpiya Oyunlarına 41-ci lisenziyanı qazanıb.
Qaydalara əsasən hər çəki dərəcəsində yalnız 3 bahadır (finalçılar və bir 3-cü yer) London oyunlarına vəsiqə əldə edəcək.
Digər təmsilçimiz Yaşar Əliyev (55 kq) ilk görüşdə monqolustanlı pəhləvana uduzraq, olimpiadaya düşmək şansını qaçırıb.
Hetaqın qələbəsi sərbəst güləşdə qazandığımız 6-cı lisenziya olub. Buna qədər Toğrul Əsgərov (60 kq), Cəbrayıl Həsənov (66 kq), Əşrəf Əliyev (74 kq), Şərif Şərifov (84 kq) və Cəmaləddin Məhəmmədov (120 kq) uğura yetişiblər.
Xəbər 1164 dəfə oxundu.