Ancelo Vercesi: “Omiçka”ya qalib gəlmək mümkündür

“Çox çalışdıq, çox vuruşduq. Lakin qələbə qazana bilmədik”. İdman.com.az saytının məlumatına görə, bunu “Bakı” voleybol klubunun baş məşqçisi Ancelo Vercesi deyib. Braziliyalı mütəxəssis Super Liqanın IX turunda “İqtisadçı”ya 2:3 hesablı məğlubiyyəti şərh edib. Onun sözünə görə, komandası son anda bəzi səhvlər səbəbindən qələbəni əldən verib. Çalışdırıcı, bu məğlubiyyətin Çellenc kubokunda komandası üçün hansısa psixoloji çətinlik yaratmayacağını da deyib: “Onlarla oyuna ciddi hazırlaşmışıq. Rəqibin oyununun videoyazısını da izləmişik. Heyətlərində hündürboylu və güclü voleybolçular yer alıb. Buna baxmayaraq, oyuna tam köklənib, qalib gəlməyə çalışacağıq”. Qeyd edək ki, “Bakı” Çellenc kubokunun 1/4 final mərhələsində “Omiçka” (Rusiya) klubu ilə qarşılaşacaq.

Xəbər 904 dəfə oxundu.