Stanislav Çerçesov: “Neftçi” MDB-nin ən güclü klublarından biridir

“Neftçi” həmişə yaxşı komanda olub”. İdman.com.az saytının məlumatına görə, bunu Rusiyanın “Terek” klubunun baş məşqçisi Stanislav Çerçesov deyib. Antalyada Çeçenistan Respublikasının mərhum prezidenti Əhməd Qədirovun xatirəsinə keçirilmiş beynəlxalq turnirdə 3-cü yer uğrunda görüşdə “Neftçi”yə 0:3 hesabı ilə uduzan Qroznı təmsilçisinin çalışdırıcısı, oyun barədə fikirlərini açıqlayıb. Mütəxəssis, Bakı komandasının rəsmi saytına verdiyi açıqlamasında bildirib ki, “ağ-qaralar” MDB-nin ən güclü klublarındandır: “Onlar bu gün də sübut etdilər ki, nəinki Azərbaycanın, həm də MDB-nin ən güclü klublarından biridir. Rəqibin son 3 oyunda qələbə qazanması da dediklərimi sübut edir. “Neftçi”nin güclü yarımmüdafiə və hücum xətti var. Rəqibimiz finala layiq idi, amma 3-cü yer də pis nəticə deyil”.

Xəbər 1084 dəfə oxundu.