Azərbaycan Respublikası Gənclər və İdman Nazirliyinin rəsmi orqanı
  Ana səhifə  |  Haqqımızda  Əlaqə
 
  

                        
logo-veb
30.10.2018 AGIN
2019-cu ilin idman təqvimi
 Xəbərlər
08/04 | 21:07 Rauf Məmmədovun ilk onlayn seansı başa çatdı
08/04 | 16:42 Kişi voleybolçulardan ibarət millimiz reytinq cədvəlində mövqeyini qoruyub
08/04 | 16:04 Nüfuz və milyardların itirilməsi
08/04 | 15:51 Yaponiyada Olimpiya alovunun açıq nümayişi koronavirusa görə dayandırılıacaq
08/04 | 15:11 Tokio Olimpiya Oyunları üçün təsnifat dövrü 2021-ci il iyunun 29-da başa çatacaq
08/04 | 14:09 Stend və güllə atıcılığı üzrə Dünya Kuboku ləğv olunub
08/04 | 11:37 İdman dünyasının koronavirus STATİSTİKAsı
08/04 | 07:01 Formula 1 Kanada Qran-prisi təxirə salınıb
07/04 | 21:33 İspaniya Tennis Federasiyası yay turniri keçirməyi planlaşdırır
07/04 | 17:41 “Tokio-2020” Yay Olimpiya Oyunlarının olimpiya məşəli sərgidən çıxarılır
07/04 | 15:05 İki sərbəst güləşçimiz Olimpiya reytinq siyahısında ilk onluqda qərarlaşıb
07/04 | 13:29 Formula 1 Azərbaycan Qran-Prisi oktyabrda keçirilə bilər
07/04 | 12:09 Formula 1 mövsümü tamaşaçısız başlaya bilər
07/04 | 11:44 Sürətli şahmat üzrə onlayn respublika birinciliyinin qalibləri müəyyənləşib
07/04 | 10:02 “Williams” və “Racing Point” komandaları müvəqqəti olaraq fəaliyyətini dayandırıb
06/04 | 17:28 İdman mövzulu əsginaslar
06/04 | 16:26 "Mercedes" komandası koronavirusa qarşı 250 ədəd aparat istehsal edib
06/04 | 15:10 Qadın voleybolçulardan ibarət Azərbaycan millisi reytinq cədvəlində irəliləyib
06/04 | 14:55 UFC: Həbib Nurməhəmmədov UFC 249 turnirində iştirak etməyəcək
06/04 | 14:18 BŞGİBİ "İdea" şahmat klubu ilə birgə onlayn turnir keçirəcək
06/04 | 13:05 Rusiya Formula 1 Qran-Prisinə hazırlaşır
06/04 | 09:32 Basketbol üzrə Yunanıstan çempionatının oyunları bərpa olunmayacaq
05/04 | 15:03 Güləşçimiz Mariya Stadnik Olimpiya reytinq siyahısında ikinci pillədə qərarlaşıb
05/04 | 10:04 Tailand və Malayziya idmançıları “Tokio-2020” Yay Olimpiya Oyunlarına buraxılmayacaq
05/04 | 09:00 Bir şahidin gözü ilə: “Ölmək istəyirdim... Tanrıya yalvarırdım... Dözə bilmirdim...”
05/04 | 08:40 Dözümlü avtoyürüşlər üzrə dünya çempionatının yeni təqvimi açıqlanıb
05/04 | 08:33 İvan Tixonov: Hal-hazırda yaxşı idman formasındayam
04/04 | 22:51 “Boksçuların formadan düşməməsinə görə müəyyən hərəkətləri evdə etmələri tövsiyə olunur”
04/04 | 21:50 Hind şahmatçılar pandemiya ilə mübarizədə
04/04 | 21:46 Rauf Məmmədov onlayn seans keçirəcək
04/04 | 18:23 MBA klubları aprel ayından basketbolçuların məvacibini azaltmaq niyyətindədir
04/04 | 17:20 Koronavirus maneə deyil: Kriştianu Ronaldo ilk milyarder futbolçu olacaq
04/04 | 15:31 “IBSA Judo Grand Prix Baku 2020” turniri 2021-ci ilə təxirə salınıb
04/04 | 14:06 Tokio Yay Olimpiya Oyunlarına lisenziya xarakterli turnirlərin bitmə vaxtı müəyyənləşib
04/04 | 13:07 Azərbaycanın Peşəkar Futbol Liqası UEFA tərəfindən təşkil olunan videokonfransda iştirak edib
Digər xəbərlər 
 Topaz Premyer Liqası
N: Komandalar O Q H M T X
1 Qarabağ 20 13 6 1 34-7 45
2 Neftçi 20 10 7 3 33-14 37
3 Keşlə 20 8 6 6 27-21 30
4 Sumqayıt 20 6 5 9 24-32 23
5 Zirə 20 6 6 9 25-37 23
6 Sabah 20 5 6 9 19-27 21
7 Səbail 20 5 5 10 16-30 20
8 Qəbələ 20 5 4 11 25-35 19
Azərbaycan şahmatının yeni zirvəsi
Tarix: 09.10.2019 | Saat: 16:18:00 | E-mail | Çapa göndər
Vüqar Məmmədov | vuqar-inqilaboqlu@mail.ru

Dünya kubokunu Teymur Rəcəbov qazandı

Oktyabr ayının ilk günləri Azərbaycan şahmatının tarixinə möhtəşəm bir səhifənin yazılması ilə əlamətdar oldu. Rusiyanın Xantı-Mansiysk şəhərində keçirilən şahmat üzrə Dünya kuboku yarışı Azərbaycan şahmatçısı Teymur Rəcəbovun qələbəsi ilə başa çatdı.

Həm də bu turnirdən Azərbaycan şahmatsevərləri üçün böyük sevinclər gətirən müjdələr, yarımfinal uğurunun xəbəri ilə gəlməyə başladı.

Teymurun fransalı qrossmeyster Maksim Vaşye-Laqravla yarımfinal görüşündə ilk partiyada rəqiblər münasibətləri Siciliya müdafiəsində aydınlaşdırdılar. Ağlarla oynayan fransalı öz oyununu bir qədər gücləndirsə də, vəzirlər gedəndən sonra Teymur üçün təhlükə sovuşdu. Topların dəyişməsindən sonra isə artıq ağlara ehtiyatlı olmaq lazım gəldi. Buna baxmayaraq, Teymur rəqibini çox sıxmadı və tərəflər 31-ci gedişdə heç-heçəyə razılaşdılar.

İkinci partiyada rəqabət ingilis başlanğıcı ilə start götürdü. Qaralarla oynayan Vaşye-Laqrav erkən mərhələdə vəzir dəyişikliyindən imtina etdi və bundan sonra Teymur rəqibin şahına güclü hücum təşkil etdi. Fransalı şahını çətin vəziyyətdən çıxara bilsə də, buna piyada itkisi ilə nail oldu. Teymur hücum üslubunu qoruyaraq şah cinahında həmlələrini davam etdirdi. Qaralar dəfələrlə vəzir dəyişikliyindən üz döndərsə də, 40-cı gedişə artıq mümkün gedişlərinin sayı minimallaşmışdı. Ümidsiz vəziyyətdə topu nəzarətdən qaçıran Vaşye-Laqrav təslim oldu. Teymur bu qələbə ilə Dünya kubokun
un finalına çıxmaqla namizədlərin turnirinə də vəsiqəni özünə təmin etdi.
Digər yarımfinalda iki çinlinin mübarizəsində Dinq Liren həmvətəni Yuy Yanyini əsas partiyalardakı heç-heçələrdən sonra tay-brekin ikinci partiyasında üstələyərək Teymura rəqib oldu.

Rəcəbovla Liren finala sülhlə başladılar. Qarşılaşma heç bir saat çəkmədi. İspan partiyasında Marşall əks-hücumunu oynayan rəqiblər özlərinin yaxınlarda Şəmkirdəki duellərini təkrarladılar. Fiqurlarını həvəslə dəyişən şahmatçılar 33-cü gedişdə top endşpilində heç-heçəyə əl sıxdılar.

Oktyabrın 1-də Dinq Liren Çin Xalq Respublikasının yaradılmasının 70 illiyini qeyd edən həmvətənlərinə qələbə hədiyyə etdi. Ağlarla oynayan çinli məlum ingilis başlanğıcında piyadasını fəda edib əhəmiyyətli mövqe qazandı və rəqibin şahına həmlə etdi. Bu məqamda qaraların fiqurları son 3 sırada sıxılmış vəziyyətə düşdü. Qara piyadanın e6-e5 yanlış gedişi ağ fiqurların rəqib düşərgəsinə yönəlməsinə şərait yaratdı.

Dəqiq oyunla həlledici üstünlüyü əldə edən Liren 40-cı gedişdə qələbəyə nail oldu.
Növbəti gün isə Teymur öz həmvətənlərini sevindirdi. Finalın ilk partiyasındakı kimi ispan partiyasının Marşall əks-hücumlu rəqabətində bu dəfə fərqli variant oynanıldı. Daha yaxşı hazırlığını nümayiş etdirən Rəcəbov vəzir dəyişikliyindən sonra maraqlı kombinasiya həyata keçirərək rəqib piyadasını vurdu. Toplu və eynirəngli filli endşpildə qaralara müdafiə olunmaq heç də asan olmadı. Tədricən üstünlüyünü artıran Rəcəbov 45-ci gedişdə rəqibini təslim edərək ümumi hesabı bərabərləşdirdi.

İngilis başlanğıclı 4-cü partiyada qaralarla oynayan Teymur piyadanı qurban versə də, rəqib şahının zəif mövqeyi şəklində müəyyən kompensasiya əldə etdi. Partiya tez bir zamanda sonluğa çatdı və burada piyada strukturu ağlara artıq piyadadan yararlanmağa real ümid vermirdi. Top endşpilində qaralar piyada geriliyini aradan qaldırıb tam bərabərliyə nail oldular və 31-ci gedişdə sülh bağlanıldı. Və ümumi hesabın da bərabərliyi final rəqabətini tay-brek müstəvisinə keçirdi.

Teymurun ağ fiqurlarla oynadığı ilk rapid partiyası dəyişkən üstünlüklə keçdi. Yekunda isə tərəflər bərabərliyə razılaşdılar. Daha sakit üslubda keçən ikinci partiyanın da nəticəsi eyni oldu. Daha sonra "10+10" nəzarət vaxtlı ilk partiyada Rəcəbov əvvəlcə üstünlük qazansa da, çinli şahmatçı vəziyyətdən çıxa bildi. İkinci belə partiya da sülhlə bitdi. Nəticədə kubok sahibinin müəyyən edilməsi məsələsi blits partiyaların üzərinə düşdü. İlk blitsdə Teymur rəqibini yüngül fiqurlu endşpildə üstələyərək hesabda önə çıxdı. İkinci blitsdə Liren qara fiqurlarla vəziyyəti düzəltmək istəsə də, Teymur daha bir qələbə ilə finalın yekun hesabını 6:4 kimi müəyyənləşdirdi və adını şahmat tarixinə Dünya kubokunun 8-ci sahibi kimi yazdırdı. Bu möhtəşəm qələbədən sonra keçirilən mətbuat konfransında Teymur Rəcəbov uğurunun ilk təəssüratlarını bölüşdü.

Final partiyalarından, turnirdə iştirakından danışan şahmatçımız bunları dedi: "Doğrusu, turnirdə iştirakımı bilmirəm necə dəyərləndirim. Ümumiyyətlə pis olmadı. Şadam ki, kifayət qədər aqressiv oynadım. Partiyaların birində qapını "çırpmaq" istədim, amma bütün turnirin qapısını "çırpdım". Ancaq yol elə çətin oldu ki, düzü, partiyaların yarısı artıq yadımda deyil. İkinci yarısını isə daima beynimdə fırladıram. Buna görə də bütövlükdə çox qəribə vəziyyətdəyəm.

Turnirdən hamıdan əvvəl getməyə hazırlaşırdım, hamıdan sonda gedirəm. Bütün dostlarım Kuboku tərk etdilər və məndə tənhalıq hissi var idi. Bu vəziyyətdə ancaq turniri qazanmaq lazım idi. Çünki üçüncü yer uğrunda oynamaq mənə çətin olardı. Görüşlər zamanı başa düşürdüm ki, tay-breklərə çıxmaq mənə çətindir. Ancaq bu olacaqsa, onu ilk iki partiyada başa çatdırmalıyam.

Hesab edirəm ki, Maksim Vaşye-Laqravla partiyam xüsusilə yaxşı alındı. Zənnimcə, o, hazırlıq və oyunun özü baxımından çox maraqlı idi. Bu mənim ən dəqiq partiyam idi. Həmçinin Dinq Lirenə qarşı final matçında hesabdakı geriliyi necə aradan qaldırmağım yaddaqalan oldu. Oyun əsəbi alındı. Hiss edirdim ki, rəqibin əsəbləri gərgindir. Çünki, turnirdə qələbə çox yaxın idi. Və normal halda o, belə endşpili qoruyardı. Bütün bunları Kubokun sonunda özünü büruzə verən əsəbi gərginliyə yazıram.

Turnirə fiziki olaraq hazırlaşmamışdım. Bu elə bir reseptdir ki, nəyisə səmimi olaraq istəmirsən, amma əldə edirsən. Bu belə olur, bunu bilirdim, amma mənimlə belə olacağını bilmirdim".

Dünya kuboku turniri mükafatlandırma mərasimi ilə yekunlaşdı və baş mükafat Kubokun yeni sahibinə təqdim olundu.

Bu zəfər müstəqil Azərbaycan şahmatının fəth etdiyi zirvələr sırasına daha birini də artırdı. İrəlidə isə komanda yoldaşının uğuruna sevincini sosial şəbəkələrdə bölüşərkən Şəhriyar Məmmədyarovun sıraladığı 6 zirvə qaldı: "1. kişilər arasında dünya çempionu; 2. iddiaçılar turnirinin qalibi; 3.blits üzrə dünya çempionu 4. komanda üzrə dünya çempionatı; 5. Şahmat olimpiadası; 6. şəxsi Avropa çempionu.
İnanırıq ki, Şəhriyarla Teymur əl-ələ verib milli komandadakı yoldaşları ilə birgə bu siyahını tezliklə qısaldacaq, hətta tamam ləğv edəcəklər.

Vüqar İNQİLABOĞLU






Xəbər 746 dəfə oxundu



 
Müəllifin son yazıları

06.04.2020 İdman mövzulu əsginaslar
29.03.2020 Bu oyunda kim uduzdu, kim uddu?
13.03.2020 Aydının “Aeroflot" “uçuşu" nədən xəbər verir?
14.08.2019 Öndəki dünya kubokuna geridəki illərdən bir baxış
20.10.2015 Dünya kubokunun sirləri
30.01.2012 FİDE-nin seçim meyarları Bakıya nə vəd edir?
17.05.2011 Şahmatın gənclik və nüfuz reytinqləri


  Arxiv
Tarixləri seç: 
 dən 
Fotogalereya
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
Müəllif yazıları
Qabil Mehdiyev
qabil-so@mail.ru
Mənim “İdman” sevgim
BATI YAR
batyyar@mail.ru
Klublar qışa yenə Antalyada hazırlaşırlar
Leyla Qurbanova
leyla-6565@mail.ru
Bakı şəhər trasını seçməyin 5 səbəbi
Əli Fərəcov
alfaraj@mail.ru
Arzulara sədd yoxdur
Vüqar Məmmədov
vuqar-inqilaboqlu@mail.ru
İdman mövzulu əsginaslar
Aynurə Aşırova
aynure.penah-2015@mail.ru
Velosipedlə sağlamlığa gedən yol
Aylıq bületenlərimiz
son sayımız əvvəlki sayımız
İdman qurğuları
Partnyorlar
Sayt Mozilla Firefox, Opera və Internet Explorer ilə tam dəstəklənir.
© 2011İDMAN. Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
Designed by V.Aliyev
Ünvan: Mətbuat prospekti, 529-cu məhəllə, 8-ci mərtəbə
İndex: AZ 1073;
Tel: (+99412) 434-57-32, (+99412) 510-53-10
Fax: (+99412) 510-53-10
E-mail: idman-sport@mail.ru