Milli komandalarımızı London-2012 aparacaq yol | |
Avropa Voleybol Konfederasiyası London-2012-yə lisenziya yarışlarının vaxtını açıqlayıb. Mübarizəyə öncə qadın voleybolçular başlayacaqlar. Xanımların olimpiadaya təsnifat turniri noyabrın 8-13-də keçiriləcək. Final mərhələsi 2012-ci il mayın 1-6-da Türkiyədə olacaq. Kişi voleybolçular arasında yarış noyabrın 22-də start götürəcək və 5 gün davam edəcək. Bu komandaların həlledici oyunlarına Bolqarıstan ev sahibliyi edəcək (8-13 may, 2012). Qeyd edək ki, həmişə final mərhələsi yanvarda keçirilsə də, indi ilk dəfə təqvimə dəyişiklik olunub. Təsnifat yarışlarına qadınlardan və kişilərdən ibarət Azərbaycan milli komandaları da qatılacaqlar. Bu, yalnız o halda baş verməyə bilər ki, sentyabrda baş tutacaq Avropa çempionatında Faiq Qarayevin rəhbərlik etdiyi kollektiv qızıl medal qazansın. Lakin kişilərdən ibarət yığmamız ancaq təsnifat mərhələsi ilə irəliləyə bilər. |
|
Xəbər 917 dəfə oxundu. |
|
|