Yeniyetmələrin Azərbaycan çempionatı keçiriləcək | |
Mayın 18-21-də “Sərhədçi” Olimpiya-İdman Mərkəzində yeniyetmə sərbəst və yunan-Roma güləşçiləri arasında Azərbaycan çempionatı keçiriləcək. İdman.com.az saytı xəbər verir ki, FİLA-nın mövcud qaydalarına əsasən təşkil olunacaq və şəxsi xarakter daşıyacaq çempionatda, ölkənin bütün bölgələrini təmsil edən 1996-97-ci il təvəllüdlü idmançılar 10 çəki dərəcəsində mübarizə aparacaqlar. Yarışın keçirilməsində əsas məqsəd ölkə ərazisində güləş idman növünün təbliği və inkişafına nail olmaq, respublikada fəaliyyət göstərən idman təşkilatlarında təlim-məşqi təkmilləşdirmək və müvafiq yaş qrupu üzrə mükafata layiq yerlər tutmuş idmançıları yığma komandalara cəlb etməkdir. Turnirin proqramına əsasən, mayın 18-19-da sərbəst, mayın 21-21-də isə yunan-Roma güləşçiləri arasında ən güclülər müəyyənləşəcəklər. Yarışlar hər gün səhər saat 10:00-da başlanacaq. Təntənəli açılış marasimi mayın 18-i, saat 17:00-a təyin edilib. Hər çəki dərəcəsində mükafata layiq yerlər tutmuş idmançılar medal və diplomla yanaşı, AGF tərəfindən pul mükafatı ilə də təltif olunacaq və yığma komandanın heyətinə cəlb olunacaq. |
|
Xəbər 1989 dəfə oxundu. |
|
|