1/4 finalçılar müəyyənləşdi | |
Bu gün Azərbaycan kubokunda 1/4 finalın cavab görüşləri keçirilib. İdman.com.az saytı xəbər verir ki, yarımfinalçılar Lənkəranda və paytaxtda baş tutmuş 4 matçdan sonra müəyyənləşiblər. Baş şəhər derbisində “Bakı” səfərdə daha çox qol vurdugudan, mərhələ adlayıb - 2:2. Paytaxtın eyniadlı təmsilçisinin yarımfinaldakı rəqibi “Xəzər Lənkəran” olacaq. Cənublular ilk oyunda olduğu kimi yenə “Rəvan”ı məğlub ediblər. Bu dəfə hesab daha böyük olub – 4:1. Ölkə çempionu “Neftçi” yarımfinala əlavə vaxtda vəsiqə qazanıb. “Simurq”la 2 qarşılaşmadakı 180 dəqiqədə rəqibinin müqavimətini qıra bilməyən “ağ-qaralar”, yalnız əlavə vaxtın son dəqiqəsində fərqlənib. Bayraqdarın yarımfinaldakı rəqibi isə günün son matçında müəyyənləşib. “Qarabağ” öz meydanında “Qəbələ” ilə qolsuz heç-heçə edib. Ağdamlılar da “Bakı” kimi səfər qolu hesabına mərhələ keçib. Azərbaycan kuboku. 1/4 final Cavab görüşləri, 7 mart “Qarabağ” – “Qəbələ” - 0:0 İlk oyun - 1:1 “Neftçi” – “Simurq” - 1:0 Qol: Flavinyu, 120 Qırmızı vərəqə: Mario Bojiç, 71 (ikinci sarı vərəqə) İlk oyun - 0:0 “Xəzər Lənkəran” – “Rəvan” - 4:1 Qol: Ağabala Ramazanov, 8; 84; 90; Lusiano Olgin, 30 - Miloş Adamoviç, 70 Qırmızı vərəqə: Nikolay Orlovksiy, 84 İlk oyun - 2:1 “İnter” – “Bakı” - 2:2 Qol: Baçana Sxadadze 42; 60 - Aleksandar Şoliç, 32; Şəhriyar Əliyev, 78 İlk oyun - 1:1 |
|
Xəbər 876 dəfə oxundu. |
|
|