«Pari Sen Jermen»in isveçli ulduzu Zlatan İbrahimovicin gələcəyi ilə əlaqədar maraqlı açıqlamalar gəlir. İdman.com.az saytının məlumatına görə, futbolçunun meneceri Mino Raiola 31 yaşlı futbolçu üçün PSJ-nin karyerasındakı son klub olmayacağını söyləyərkən, «Zlatan «Yuventus»a keçə bilərmi?» sualının qarşılığında «Hər şey ola bilər. Heç bir şey qeyri-mümkün deyil» cavabını verib.Bu açıqlama Turin fanatlarını həyəcanlandırdı. Zlatan Ibrahimovic də keçən günlərdə «Gazzetta dello Sport»a verdiyi açıqlamada PSJ-nin son komandası olmayacağını demişdi: «İtalyan futbolunu izləyirəm, ora mənim üçün ikinci evimdir».
Zlatan İbrahimoviç 2004-cü ildə «Ayaks»dan «Yuventus»a 16 milyon avro, 2006-da isə «Yuventus»dan «İnter»ə 25 milyon avro qarşılığında transfer olunmuşdu.
Xəbər 887 dəfə oxundu.