Yunan-Roma güləşçilərimiz ilin ilk sınağına hazırlaşır

2-3 fevral 2013-cü il tarixdə İstanbulda Vehbi Emrenin xatirəsinə həsr olunmuş yunan-Roma güləşi üzrə beynəlxalq turnir keçiriləcək. Turnirdə yunan-Roma güləşi üzrə yığma komandamız da iştirak edəcək. Böyük məşqçi Nasir Nurbaxış, məşqçilər Nezafet Dost Cəfər və Əsgər Musavinin rəhbərliyi altında 12 pəhləvanımızın turnirdə iştirakı gözlənilir. Məşqçilər korpusu ilin ilk sınağında Fazil Zamanzadə (55 kq), Elçin Həsənov, Qadir Süleymanov (hər ikisi 60 kq), Vitali Rəhimov, Rəsul Çunayev, Rüstəm Əliyev (hamısı 66 kq), Niyaməddin İbrahimov (74 kq), Soltan İsmayılov, Fuad Əliyev (hər ikisi 84 kq), Araz Həsənov (96 kq), Maksim Proxorov və Radomir Petkoviçə (hər ikisi 120 kq) şans verəcək. Görüşlərin idarə olunmasında ölkəmizi beynəlxalq dərəcəli hakim Asif Şirəliyev təmsil edəcək.

Xəbər 924 dəfə oxundu.