İtaliya futbolu növbəti qalmaqalla üzləşib. Bu dəfə səbəb danışılmış oyunlar deyil, irqçilikdir. İdman.com.az saytının məlumatına görə, qış fasiləsini yoldaşlıq görüşləri ilə keçirən «Milan»ın belə oyunlarından biri gözlənilməz başa çatıb.Səviyyəcə 4-cü divizion komandası «Pro-Patria» ilə oyunun ilk dəqiqələrindən yarımmüdafiəçi Kevin-Prins Boatenq azarkeşlərdən irqçi təhqirlər eşitməyə başlayıb. Oyunun keçirildiyi «Karlo Speroni» stadionda bu hala qarşı heç bir tədbirin keçirilməyi heç düşünülmürdü də.
Qanalı futbolçunun səbri 25-ci dəqiqəyədək çatıb. Bundan sonra futbolçu köynəyini əynindən çıxarıb tribunaaltı məkana yollanıb. Onun ardından komanda yoldaşları da meydançanı tərk ediblər. Nəticədə oyun elə 26-cı dəqiqədə də başa çatıb.
Xəbər 941 dəfə oxundu.