Ötən ay “Zenit”dən ayrılmaq istədiyini bildirən Halk maraqlı açıqlama verib. Komandanın baş məşqçisi ilə aralarında yaranan problemdən sonra qışda rus klubunu tərk edəcəyini dilə gətirən braziliyalı yarımmüdafiəçi, hazırda Sankt-Peterburq klunda xoşbəxt olduğunu vurğulayıb.Braziliya mətbuatına müsahibə verən 26 yaşlı futbolçu “Zenit”ə transfer olunduğu üçün peşman olmadığını ifadə edib:
“Mən “Portu”da çıxış edəndə, o klubla bir çox kuboklara sahib olmuşdum. ”Zenit”ə getməkdə məqsədim isə karyeramda dəyişiklik etmək istədim. Ümid edirəm ki, rus klubu ilə də yeni zəfərlər qazanacam. Bura transfer olunduğum üçün peşman deyiləm. Əslində xoşbəxtəm. Hazırda yeni işimə öyrəşməyə başlamışam. İndi bütün fikrilərimi futbola cəlb edirəm. Rusiyada əvvəlcə ən böyük çətinliyim oradakı havaların soyuq olması idi. Lakin sonralar buna alışdım. Bundan sonra həm Premyer Liqanı, həm də Avropa Liqasını qazanmaq üçün mübarizə aparacağıq”.
Xəbər 819 dəfə oxundu.