AFFA ilin ən yaxşılarını müəyyənləşdirəcək | |
AFFA ənənəvi olaraq bu dəfə də ilin ən yaxşılarını müəyyənləşdirəcək. İlk dəfə 2009-cu ildə belə addım atan assosiasiya 4-cü dəfə ilin laureatlarını seçəcək. Əsas, qadın, futzal və çimərlik futbolu millimizin ən yaxşısı 4-cü dəfə seçiləcək. Ən yaxşı qapıçı və millidə ən çox oyun keçirənlər isə 3-cü dəfə mükafat alacaq. Artıq millidə ən çox oyun keçirən nominasiyasının ötənilki kimi 2 qalibi olduğu bəllidir. Bunlar Ruslan Abışov və Rauf Əliyevdir. Əvvəlki illərin mükafatlarına gəlincə, Kamran Ağayev 3, Rəşad Sadıqov, Vitali Borisov və Elvin Quliyev hərəyə 2 dəfə tədbirdə qalib olub. Ötən ilin ən yaxşısı Rauf Əliyev də ən çox oyun keçirdiyi üçün 2-ci mükafatını alacaq. Əsas millinin ən yaxşısına gəlincə isə ardıcıl 3 dəfə “Qarabağ”ın futbolçuları fərqlənib. Əvvəl Vaqif Cavadov, sonra Rəşad Sadıqov və ötən il Rauf Əliyev. Ağdam təmsilçisinin bu hegemonluğuna son qoyulub-qoyulmayacağı isə dekabrın 17-də bilinəcək. İlk dəfə tədbir “Sevda”da baş tutacaq. İlk 2 ildə “Landmark”, ötən il isə “ART Garden” restoranı ən yaxşılara qucaq açmışdı. Yığmanın ən yaxşı oyunçusu 2009. Vaqif Cavadov 2010. Rəşad Sadıqov 2011. Rauf Əliyev Yığmanın ən yaxşı qapıçısı 2009. Kamran Ağayev 2011. Kamran Ağayev Millidə ən çox oyun keçirən 2010. Mahir Şükürov 2011. Rəşad Sadıqovla Kamran Ağayev Qadın yığmasının ən yaxşı oyunçusu 2009. Ana Ələkbərova 2010. Jalə Məmmədova 2011. Əminə Heydərova Futzal yığmasının ən yaxşı oyunçusu 2009. Rizvan Fərzəliyev 2010. Vitali Borisov 2011. Vitali Borisov Çimərlik yığmasının ən yaxşı oyunçusu 2009. Elvin Quliyev 2010. Emin Kürdov 2011. Elvin Quliyev |
|
Xəbər 1325 dəfə oxundu. |
|
|