Dirk Kyut “Qalatasaray”la derbi öncəsi maraqlı açıqlamalar verib

“Fənərbaxça”nın hollandiyalı futbolçusu Dirk Kyut bazar günü oynayacaqları “Qalatasaray”la derbi öncəsi maraqlı açıqlamalar verib. Hücuma meyilli yarımmüdafiəçi “Marsel”i üstələyəndən sonra oynadıqları “Qaqnam stayl” mahnısını yenidən “Türk Telekom Arena”da təkrarlayacaqlarını bildirib: “Çempionatın son 10 matçında çox yaxşı mübarizə aparırıq. Uzun müddətdir ki, məğlubiyyətin nə olduğunu bilmirik və artıq derbini gözləyirik. Mən “Feyenord”da çıxış edəndə “Ayaks”a son 5 görüşdə qol vurmağı bacarmışam. Həmçinin “Liverpul”un heyətində də “Everton”un qapısından bir neçə top keçirmişəm. “Cim-Bom”dan qorxmuruq. Özümüzə güvənimiz daha çoxdur. Avropa Liqasının qrup mərhələsində “Marsel”lə qarşılaşmadan qalib ayrılıb növbəti mərhələyə keçəndə, sevincimizdən “Qaqnam stayl” mahnısını oynayırdıq. Mən əminəm ki, bazar günü daha çox rəqs edəcəyik” Qeyd edək ki, “Qalatasaray” - “Fənərbaxça” derbisi bu bazar “Türk Telekom Arena”da Bakı vaxtı ilə saat 00:00-da başlayacaq.

Xəbər 973 dəfə oxundu.