Bakı çempionatı keçiriləcək | |
23-25 noyabrda Novxanı atçılıq mərkəzinin qapalı manejində konkur növü üzrə «CSI-1*-W» kateqoriyalı dünya kubokunun təsnifat mərhələsi və Bakı çempionatı keçiriləcək. Atçılıq Federasiyasından idmanşcom.az–a verilən məlumata görə, turnirdə yerli idmançılarla yanaşı, İran, Gürcüstan, Almaniya, Qazaxıstan və Türkiyədən olan çaparlar da mübarizə aparacaqlar. 2 yarışda ən yaxşı nəticə göstərən azərbaycanlı çapar Bakı çempionu adına layiq görüləcək. Beynəlxalq turniri İran, Türkiyə və Bolqarıstandan dəvət olunan hakimlər briqadası idarə edəcək. Yarışlar hər gün saat 12:00 da başlayacaq. Dünya kubokunun təsnifat mərhələsi və Bakı çempionatı yarışlarının ümumi mükafat fondu 9500 avrodur. Beynəlxalq atçılıq turnirinə bütün media nümayəndələri dəvət olunub. |
|
Xəbər 1257 dəfə oxundu. |
|
|