Azərbaycan Basketbol Liqası: "Xırdalan" çətin qələbə qazanıb

Azərbaycan Basketbol Liqasında 16-cı tura start verilib. "Sərhədçi" İdman Mərkəzində baş tutan turun açılış oyununda "Xırdalan" və "Sərhədçi" klubları üz-üzə gəliblər. Pley-off zonasında qərarlaşan "Xırdalan" məhsuldar oyunun yekununda rəqibini üzərində 112:105 hesablı qələbəyə sevinib. Məğlubiyyətə baxmayaraq, "Sərhədçi" pley-off şanslarını davam etdirir. Ən məhsuldar basketbolçular "Xırdalan"dan Cakori Arçi (35 xal, 5 asist), "Sərhədçi"dən Cəbrayıl Əkbərov (29 xal, 6 ribaund) olublar. Qeyd edək ki, 16-cı turun digər oyunları ("Sabah" - "Şəki", "Gəncə" - "Cəlilabad", "Sumqayıt" - "Xəzri", "NTD-İndiqo" - "Neftçi") 4, 5, 6 və 7 aprel tarixlərində baş tutacaq.

Xəbər 91 dəfə oxundu.