Azərbaycan badmintonçusu Bakıda keçirilən beynəlxalq turnirin 1/8 finalına yüksəlib

Azərbaycan badmintonçusu Edi Reski Dviçayo "Azerbaijan International 2024" turnirində 1/8 finala yüksəlib. Idmançı yarışın əsas mərhələsində keçirdiyi ilk görüşdə Finlandiya təmsilçisi Yoakim Oldorfa 2:1 (21-15, 21-23,22-20) hesabı ilə qalib gəlib. İdmançı 1/8 finalda hindistanlı Govind Krişna ilə qarşılaşacaq. Azərbaycanın digər təmsilçisi Diki Pangestu isə ən güclü “16-lığ”a yüksəlmək uğrunda keçirilən qarşılaşmada ispaniyalı Pablo Abianla qarşılaşıb və Bakıda keçirilmiş ilk Avropa Oyunlarının qalibinə 0:2 (23-25,15-21) hesabı ilə uduzub. Qeyd edək ki, "Azerbaijan International 2024" turnirinə fevralın 11-də yekun vurulacaq.

Xəbər 57 dəfə oxundu.