Rusiyalı futbolçu “Neftçi”nin təklifini qəbul etməyib

Rusiyanın “Spartak” klubunun futbolçusu Leon Klassen karyerasını “Neftçi”də davam etdirmək istəməyib. Bakı klubu 23 yaşlı müdafiəçini icarəyə götürmək üçün qarşı tərəfə müraciət etsə də, keçid baş tutmayıb. Almanəsilli rusiyalı oyunçu Moskva təmsilçisində qalmağa üstünlük verib. Qeyd edək ki, Leon Klassen bu mövsümə "Spartak"ın heyətində Rusiya Premyer Liqası və kubokunda 4 oyun keçirib, 2 qol vurub və 1 məhsuldar ötürmə edib. O, 2022-ci ilin yanvarından bu komandanın formasını geyinir. Klassenin Moskva klubu ilə 2025-ci ilin yayınadək müqaviləsi var.

Xəbər 126 dəfə oxundu.