| Misirdə keçirilən kikboksinq üzrə “Heydər Əliyev kuboku”na yekun vurulub | |
|
Misir Ərəb Respublikasının paytaxtı Qahirə şəhərində Ümummilli Lider Heydər Əliyevin 100 illik yubileyi ilə əlaqədar Azərbaycan və Misir idmançıları arasında kikboksinq yarışı keçirilib. Ölkəmizin Misirdəki səfirliyinin və Azərbaycan Kikboksinq Federasiyasının birgə təşkilatçılığı ilə keçirilən yarışın açılışında Azərbaycan parlamentinin sədrinin müavini, Gənclər və idman komitəsinin sədri Adil Əliyev çıxış edib. Milli Məclis sədrinin müavini Ulu Öndər Heydər Əliyevin Azərbaycanın müstəqilliyinin, suverenliyinin xilasında, möhkəmləndirilməsində əvəzsiz rolundan və müstəsna xidmətlərindən danışıb. Bildirib ki, dahi şəxsiyyət Heydər Əliyev bütün sahələrdə olduğu kimi, bədən tərbiyəsi və idman sahəsinin inkişafı naminə böyük işlər həyata keçirib. Adil Əliyev Ümummilli Liderin əsasını qoyduğu bədən tərbiyəsi və idman siyasətinin bu gün öz uğurlu nəticələrini verdiyini, Azərbaycanın artıq dünyada idman ölkəsi kimi tanındığını da diqqətə çatdırıb. “Heydər Əliyev kuboku” uğrunda keçirilən yarışda Azərbaycan idmançıları 5:4 hesabı ilə qalib gələrək kubokun sahibi olublar. |
|
|
Xəbər 194 dəfə oxundu. |
|
|
|