Şuşa Rayon Uşaq və Gənclər İdman Məktəbinin cüdoçuları Azərbaycan birinciliyində 17 medal qazanıblar

Şuşa Rayon Uşaq və Gənclər İdman Məktəbi 15 yaşadək yeniyetmə cüdoçular arasında Azərbaycan birinciliyinin fərdi və komanda yarışlarında 17 medal qazanıb. Gənclər və İdman Nazirliyi və Azərbaycan Cüdo Federasiyasının birgə təşkilatçılığı ilə Hövsan qəsəbəsində yerləşən Fövqəladə Hallar Nazirliyinin (FHN) İdman-Sağlamlıq Mərkəzində keçirilən yarışlarda qızlar və oğlanlar 20 çəki dərəcəsində güclərini sınayıblar. Fərdi yarışlarda Şuşa Rayon Uşaq və Gənclər İdman Məktəbi ümumi xal hesabına görə ikinci, komanda yarışlarında qızlar arasında birinci, oğlanlar arasında isə üçüncü yerin sahibi olub. Qeyd edək ki, Şuşa Rayon Uşaq və Gənclər İdman Məktəbi 2022-ci ilin sentyabr ayından fəaliyyətə başlayıb. UGİM-in tərkibində cüdo, sərbəst güləş, yunan-Roma güləşi və gimnastika olmaqla ,4 idman bölməsi mövcuddur.

Xəbər 135 dəfə oxundu.