Azərbaycan Premyer Liqasında XXXV tura yekun vurulub | |
Futbol üzrə Azərbaycan Premyer Liqasında XXXV tura yekun vurulub. ikinci oyun günündə daha dörd qarşılaşma oynanılıb. Çempionluğunu rəsmiləşdirən "Qarabağ" komandası "Sumqayıt"ı qəbul edib. Görüş “Sumqayıt”ın 2:1 hesablı qələbəsi ilə yekunlaşıb. Komandanın qollarını Vüsal İsgəndərli və Səbuhi Abdullazadə vurublar. Ağdam təmsilçisinin heyətində isə Riçard Almeyda fərqlənib. "Turan Tovuz" doğma meydanda "Səbail"lə heç-heçə edib - 2:2. Tovuz təmsilçisinin heyətində Şəhriyar Əliyev, Ayxan Quseynov, rəqib komandadan isə Franko Mazurek və Qoba Zakpa adlarını tabloya yazdırıblar. "Şamaxı" - "Qəbələ" və "Sabah" - "Zirə" görüşləri isə qolsuz bərabərliklə başa çatıb. Beləliklə, Premyer Liqada avrokuboka dördüncü vəsiqə və elitanı tərk edəcək klub sonuncu - XXXVI turda müəyyənləşəcək. Qeyd edək ki, turun ilk matçında "Neftçi" "Kəpəz"i 3:1 hesabı ilə üstələyib. |
|
Xəbər 100 dəfə oxundu. |
|
|