UEFA Avropa Liqasının finalı – “Roma” – “Sevilya”

Futbol üzrə UEFA Avropa Liqasında finalçılar bəlli olub. Səfərdə Almaniyanın “Bayer Leverkuzen” klubu ilə qolsuz heç-heçə edən “Roma” bu turnirdə ilk finalçı olub. Qeyd edək ki, komandalar arasında Romada keçirilən ilk oyun meydan sahiblərinin minimal hesablı qələbəsi ilə yekunlaşmışdı 1:0. “Roma”nın finaldakı rəqibi isə öz meydanında “Yuventus”u əlavə vaxtda 2:1 hesabı ilə məğlub edən “Sevilya” olub. Oyunda hesabı Vlahoviçin qolu ilə “Yuventus” açsa da, Suso tablodakı rəqəmləri bərabərləşdirib – 1:1. Turində oynanılan ilk matç da heç-heçə nəticələndiyindən, əlavə vaxt oynanılıb. Əlavə vaxtda isə Erik Lamela meydan sahiblərinin qələbə qolunu vurub – 2:1. Qeyd edək ki, UEFA Avropa Liqasının finalı mayın 31-də Budapeştdə keçiriləcək.

Xəbər 103 dəfə oxundu.