Rusiyalı tələbələr Bakıda keçirilən beynəlxalq basketbol turnirinin qalibi olublar

Mayın 15-də “Sərhədçi” İdman Mərkəzində Elm və Təhsil Nazirliyi və Azərbaycan Basketbol Federasiyasının birgə təşkilatçılığı ilə Ümummilli Lider Heydər Əliyevin 100 illik yubileyinə həsr olunmuş beynəlxalq basketbol turnirinin final oyunu keçirilib. Final oyununda LDU (Rusiya) və AzTU (Azərbaycan) komandaları üz-üzə gəliblər. Final oyunu Rusiya komandasının 82:58 hesablı qələbəsi ilə yekunlaşıb. Beynəlxalq basketbol turnirinin bürünc mükafatına ADBTİA (Azərbaycan) tələbələrinə 83:64 hesabı ilə qalib gəlmiş "TTK" (Türkmənistan) basketbolçuları sahib olublar. Qeyd edək ki, turnirin ən dəyərli oyunçusu LDU-dan Kiril Lenkin seçilib.

Xəbər 115 dəfə oxundu.