UEFA Konfrans Liqasının yarımfinalçıları bəlli olub

UEFA Konfrans Liqasında dörddəbir final mərhələsinə yekun vurulub. Cavab oyunlarından sonra yarımfinalın iştirakçıları müəyyənləşib. Turnirin pley-off mərhələsində Ağdamın "Qarabağ" komandasını mübarizədən kənarlaşdıran Belçikanın "Gent" komandası İngiltərədə "Vest Hem"in qonağı olub. İlk oyunda 1:1 hesablı nəticə qeydə alınsa da, cavab matçında “Gent” 1:4 hesabı ilə məğlub və turnirdə mübarizəni dayandırıb. Günün oyunlarında aşağıdakı nəticələr qeydə alınıb: "Fiorentina" (İtaliya) - "Lex" (Polşa) - 2:3 İlk oyun - 4:1 "AZ Alkmaar" (Niderland) - "Anderlext" (Belçika) - 2:0 (penalti seriyası - 4:1) İlk oyun - 0:2 "Vest Hem" (İngiltərə) - "Gent" (Belçika) - 4:1 İlk oyun - 1:1 "Nitsa" (Fransa) - "Bazel" (İsveçrə) - 1:2 İlk oyun – 2:2. Yarımfinal mərhələsində “Bazel” komandası "Fiorentina" ilə üz-üzə gələcək. Digər görüşdə isə "Vest Hem" və "AZ Alkmaar" klubları qarşılaşacaqlar. Yarımfinalın ilk oyunları mayın 11-də, cavab qarşılaşmaları isə 18-də olacaq.

Xəbər 112 dəfə oxundu.