“Young Talents – 2012” turnirinə yekun vurulub

Sankt-Peterburqda 12 yaşadək futbolçular arasında keçirilən “Young Talents – 2012” turnirinə yekun vurulub. “Qəbələ” son oyunda 11-ci yer uğrunda mübarizədə Rusiyanın “Sinara” klubu ilə üz-üzə gəlib. Bu oyunda 0:1 hesabı ilə uduzan təmsilçimiz 22 komandanın iştirak etdiyi turniri 12-ci yerdə bitirib. Kuboku isə finalda “Zenit”i 3:0 hesabı ilə məğlub edən “Barselona” qazanıb. Turnirin təltifetmə mərasimində qaliblərə kubok və medallar, bütün iştirakçılara xatirə diplomları təqdim olunub.

Xəbər 817 dəfə oxundu.