Azərbaycanlı futbolçu “Şalke”yə qələbə qazandırıb

Futbol üzrə Almaniyanın Qərb Regional Liqasında 28-ci turun oyunları keçirilib. Azərbaycan yığmasının hücumçusu Rüfət Dadaşovun formasını geyindiyi “Şalke” klubunun ikinci komandası növbəti matçına çıxıb. Komanda doğma meydanda “Vuppertaler”lə qarşılaşıb. Futbolçumuzun komandası bu oyundan qələbə ilə ayrılıb - 1:0. R.Dadaşov da bu görüşün iştirakçısı olub. O, start heyətdə meydana çıxıb və sonadək oynayıb. Yeganə qolu da 38-ci dəqiqədə azərbaycanlı futbolçu vurub. “Şalke”nin ikinci komandası hazırda 39 xalla 18 kollektiv arasında 9-cu pillədə qərarlaşıb.

Xəbər 181 dəfə oxundu.