Bu gün Azərbaycanın U-19 millisi yunanıstanlı həmyaşıdları ilə qarşılaşacaq
Bu gün 19 yaşadək futzalçılardan ibarət Azərbaycan millisi Avropa çempionatının əsas mərhələsində sonuncu oyununu keçirəcək.

Millimiz Bosniya və Herseqovinada Yunanıstan yığması ilə qarşılaşacaq.

Matçın baş hakimi danimarkalı Martin Koster olacaq. Ona Norbert Szilagy (Macarıstan) və Nikola Manzione (İtaliya) kömək edəcəklər.

Şiroki Briyeq şəhərindəki “Pecara” idman zalında oynanılacaq matç Bakı vaxtı ilə saat 20:00-da başlayacaq.

Qeyd edək ki, millimiz əvvəlki oyunlarında Fransa yığmasına 0:5, Bosniya və Herseqovina seçməsinə isə 1:4 hesabı ilə məğlub olub.

Xəbər 199 dəfə oxundu.