Çempionlar Liqası: “Çelsi” “Borussiya Dortmund”u mübarizədən kənarlaşdırıb

Bu gün çempionlar Liqasının səkkizdəbir final mərhələsinin cavab görüşlərinə start verilib. Günü ikinci oyununda “Çelsi” öz meydanında “Borussiya Dortmund”u qəbul edib. İlk oyunda səfərdə minimal hesabla (0:1) məğlub olan “Zadəganlar” Londonda bunun əvəzini artıqlaması ilə çıxıblar. Matç “Çelsi”nin 2:0 hesablı qələbəsi ilə başa çatıb. Matçın 43-cü dəqiqəsində Rahem Sterlinq meydan sahiblərini önə çıxarıb. İkinci hissənin əvvəlində - 53-cü dəqiqədə isə Kay Havertz on bir metrlik cərimə zərbəsi ilə hesabı 2:0 edib. Beləliklə, “Çelsi” adını dörddəbir finala yazdırıb.

Xəbər 152 dəfə oxundu.