Premyer Liqa: “Sumqayıt” klubu “Səbail”i minimal hesabla məğlub edib

Futbol üzrə Azərbaycan Premyer Liqasının XXV turu çərçivəsində “Səbail” klubu “Sumqayıt”ı qəbul edib. “ASCO Arena”da keçirilən matçda “Sumqayıt” minimal hesablı qələbə qazanıb – 1:0. Matçda yeganə qolu 90+8-ci dəqiqədə penaltidən Terrens Tisdel vurub. Bu qələbədən sonra xallarının sayını 21-ə çatdıraraq “Sumqayıt” turnir cədvəlində yeddinci pilləyə yüksəlib. Bakı təmsilçisi 17 xalla sonuncu - onuncu sırada qərarlaşıb. Günün digər görüşündə “Sabah” klubu “Kəpəz”i sınağa çəkəcək. “Zirə” və “Şamaxı” arasında keçirilmiş turun açılış oyununda 2:2 hesablı heç-heçə qeydə alınıb. Martın 5-də baş tutacaq matçlarda “Qəbələ” “Qarabağ”ı, “Neftçi” isə “Turan Tovuz”u qəbul edəcək.

Xəbər 157 dəfə oxundu.