| Azərbaycan Voleybol Federasiyasının nümayəndəsi Çempionlar Liqasının oyununa təyinat alıb | |
|
Avropa Voleybol Konfederasiyası (CEV) Azərbaycan Voleybol Federasiyasının (AVF) Beynəlxalq əlaqələr şöbəsinin rəhbəri, CEV-in Avropa idman təşkilatı komissiyasının üzvü Mixail Frişmana növbəti dəfə etimad göstərib. M.Frişman qadın voleybolçular arasında Çempionlar Liqasının oyununa təyinat alıb. O, İstanbulda "Vakıfbank" və Polşanın "LKS Lodz" komandaları arasında keçiriləcək play-off matçında supervayzer kimi hakimlərin işinə qiymət verəcək. Martın 1-də baş tutacaq qarşılaşmanın hakimləri macarıstanlı Halaş Tibor və rumıniyalı Visan Benone olacaqlar. Qeyd edək ki, “Vakıfbank” və "LKS Lodz" klublarının ilk qarşılaşması Türkiyə klubunun 3:0 hesablı qələbəsi ilə başa çatıb. |
|
|
Xəbər 160 dəfə oxundu. |
|
|
|