Cüdoçularımız Parisdə “Böyük dəbilqə” turnirində mübarizəyə başlayırlar

Bu gün Azərbaycanın üç cüdoçusu Parisdə start götürəcək “Böyük dəbilqə” turnirində mübarizəyə qoşulacaq. Balabəy Ağayev (60 kq) 1/16 final mərhələsində Matteus Takaki (Braziliya) - Petros Çristodoulides (Kipr) cütünün qalibi ilə üz-üzə gələcək. Yaşar Nəcəfov (66 kq) eyni raundda An Cehonq (Cənubi Koreya) - Cerard Kadet (Haiti) duelinin güclüsü ilə qarşılaşacaq. Nurlan Osmanov (73 kq) 1/32 finalda İdo Levinlə (İsrail) münasibətlərə aydınlıq gətirəcək. Fevralın 5-də yekun vurulacaq turnirdə 85 ölkədən 535 idmançı iştirak edəcək.

Xəbər 198 dəfə oxundu.