Formula 1 komandalarının yeni mövsüm üçün təqdimat mərasimlərinin tarixi məlum olub
Formula 1 komandalarının yeni mövsüm üçün təqdimat mərasimlərinin tarixi məlum olub.

Dünya çempionatında çıxış edən 10 komandadan 9-u fevralın 3-dən 16-dək bolidlərini ictimaiyyətə təqdim edəcək. Yalnız “Uilyams” komandası yarış avtomobilinin avadanlığını nümayiş etdirəcək.

Sürət həvəskarlarına yeni bolidini göstərəcək ilk komanda Mühəndislər kuboku yarışının son qalibi “Red Bull” olacaq. Avstriya komandası fevralın 3-də yarış avtomobilini ictimaiyyət qarşısına çıxaracaq. Fevralın 7-də “Alfa Romeo” Formula 1 həvəskarlarını təəccübləndirməyə çalışacaq. Dörd gün sonra “Alfa Romeo” ictimaiyyəti AT04 bolidi ilə tanış edəcək. Fevralın 13-də isə “Maklaren”lə “Aston Martin” diqqət mərkəzinə düşəcək. Növbəti iki gündə “Ferrari” ilə “Mercedes” Formula 1-də yarışacaq maşınlarının təqdimat mərasimini keçirəcəklər. Komandalar arasında sonuncu olaraq “Alpin” fevralın 16-da bolidini nümayiş etdirəcək.

Formula 1-də yeni mövsüm martın 5-də Bəhreyndə start götürəcək. İyirmi üç Qran-Pridən ibarət dünya çempionata noyabrın 26-da Birləşmiş Ərəb Əmirliklərində yekun vurulacaq. Azərbaycan Qran-Prisinin final mərhələsi isə aprelin 30-da keçiriləcək.

Xəbər 267 dəfə oxundu.