Şahmatçımız Çində mübarizə aparacaq

Bu gün Çində “The Belt and Road 2023 to World Chess Womans Summit” turnirinə start veriləcək. Sürətli şahmat üzrə təşkil olunan yarış dairəvi sistemlə keçiriləcək. Ümumilikdə turnirdə 7 ölkədən 12 şahmatçı mübarizə aparacaq. Azərbaycanı yarışda milli komandanın lideri Günay Məmmədzadə təmsil edəcək. Çin yarışında Günay Məmmədzadə ilə yanaşı, Bela Xotenaşvili (Gürcüstan), Antuanetta Stefanova (Bolqarıstan), Bibisara Assaubayeva (Qazaxıstan), Marsel Efroimski (İsrail), Monika Soçko (Polşa), Qi Quo, Ni Şiqun, Jao Mo, Ninq Kayu, Xiao Yu və Li Xueyi (hamısı Çin) çıxış edəcək. Turnirin qalibləri yanvarın 8-də məlum olacaq.

Xəbər 222 dəfə oxundu.