| Fransa millisi ardıcıl ikinci dəfə dünya çempionatının finalında | |
|
Futbol üzrə Fransa millisi Qətərdə keçirilən dünya çempionatının finalına yüksəlib. Komanda yarımfinal mərhələsində Mərakeş yığması ilə qarşılaşıb. “Əl Beyt” stadionunda oynanılan matçda mərakeşli futbolçular erkən qola üzülüblər. Matçın 5-ci dəqiqəsində fransalı Teo Ernandes hesabı açıb. Fransa millisi fasiləyə minimal hesablı üstünlüklə yollanıb. Qarşılıqlı hücumlar şəraitində keçən ikinci hissədə də fərqlənən tərəf Fransa millisi olub. Oyunun 79-cu dəqiqəsində Randal Kolo Muani hesab arasındakı fərqi artırıb. Bu, oyunda vurulan sonuncu qol olub. Beləliklə, rəqibini 2:0 hesabı ilə məğlub edən Fransa millisi tarixində ardıcıl ikinci dəfə dünya çempionatının finalına yüksəlib. Dekabrın 18-də “Lusail” stadionunda keçiriləcək final oyununda Fransa millisi Argentina yığması ilə qarşılaşacaq. |
|
|
Xəbər 293 dəfə oxundu. |
|
|
|