Yeniyetmə və gənc stolüstü tennisçilərimiz təlim-məşq toplanışını Türkiyədə keçirəcəklər

Stolüstü tennisçilərimiz Türkiyəyə yollanıblar. Yeniyetmə və gənc stolüstü tennisçilərimiz ilin son təlim-məşq toplanışını Türkiyənin Yalova şəhərində keçirəcəklər. Qarşıdakı Avropa çempionatına hazırlıq məqsədi daşıyan toplanışda Adil Əhmədzadə, Onur Quluzadə, Rüstəm Hacılı, Hüseyn Eylazov, Toğrul Məhəmmədov, Ləman Abdulhəmidova, Zemfira Mikayılova, Mərziyyə Nurmətova, Aylin Əsgərova və Arzu Aslanova iştirak edəcəklər. Seçmə komandanın məşqçiləri Elnur Hidayətzadə və Ramil Cəfərovun rəhbərliyi ilə bu gün start veriləcək hazırlıq prosesi dekabrın 23-də yekunlaşacaq. Toplanış çərçivəsində yerli idmançılarla yoxlama görüşlərinin keçirilməsi də nəzərdə tutulur. Qeyd edək ki, bu, seçmə komandamızın cari ildə Türkiyədə təşkil olunan ilk təlim-məşq toplanışı deyil. Stolüstü tennisçilərimiz aprelin 27-dən mayın 7-dək Yalova şəhərində hazırlıq keçiblər.

Xəbər 256 dəfə oxundu.