“İnter”in baş məşqçisi komandasının hücumçusu Rodriqo Palasionu Bakıya “Neftçi” ilə oyuna gətirməmək qərarı verib. İdman.com.az saytının məlumatına görə, Andrea Stramoççini bildirib ki, Argentina millisinin də hücumçusu olan Palasionun zədəsi hələ indi-indi sağalır.“O, bazar ertəsindən etibarən məşqlərə qoşulacaq. Amma hələ ki, “Neftçi” ilə oyuna hazır olmadığı üçün bizimlə getməyəcək” – deyə “İnter”in baş məşqçisi bildirib.
Qeyd edək ki, oktyabrın 4-də “Neftçi” ilə oyunda “İnter”in daha bir aparıcı futbolçusu olan hollandiyalı Uesli Sneyder də zədəsi səbəbindən çıxış etməyəcək.
Xəbər 849 dəfə oxundu.