“Şamaxı” klubu Antalyada Qazaxıstanın “Kaysar” komandası ilə qarşılaşacaq

“Şamaxı” futbol klubunun qış hazırlıq proqramı məlum olub. Premyer Liqa təmsilçisi təlim-məşq toplanışına gələn il yanvarın 3-də start verəcək. Komanda hazırlığın ikinci mərhələsi üçün yanvarın 8-də Antalyaya yollanacaq. Yanvarın 19-dək Antalyada qalacaq “Şamaxı” bu müddətdə 4 yoxlama oyunu keçirməyi planlaşdırır. İlk görüşün ayın 11-də Qazaxıstan yüksək liqa təmsilçisi “Kaysar”la keçirilməsi razılaşdırılıb. Digər 3 matçın keçirilmə tarixi və rəqiblər hələ bəlli deyil.

Xəbər 259 dəfə oxundu.