“Çelsi”nin sabiq futbolçusu Qari Keyxill karyerasını başa vurub

İngiltərə millisinin və “Çelsi”nin sabiq futbolçusu Qari Keyxill karyerasını başa vurub. Bu barədə 36 yaşlı mərkəz müdafiəçisi öz instaqram hesabında bildirib. Keyxill keçmiş məşqçilərinə, komanda yoldaşlarına və azarkeşlərə təşəkkür edib. Qeyd edək ki, 2012-2019-cu illərdə “Çelsi”də oynayan Keyxill “Aston Villa”, “Bernli”, “Şeffild Yunayted”, “Bolton Uonderers”, “Kristal Pelas”, “Bornmut” kimi komandaların da formasını geyinib. O, 2 dəfə Premyer Liqanı, İngiltərə kuboku yarışı və Avropa Liqasını qazanıb. Həmçinin futbolçu Çempionlar Liqası və Liqa kuboku yarışının da qalibi olub. Müdafiəçi 2010-2018-ci illərdə İngiltərə millisində çıxış edib.

Xəbər 169 dəfə oxundu.