| Könüllülər arasında keçirilən “Zəfər Liqası” futbol turnirinə yekun vurulub | |
|
Azərbaycan Gənclər Fondu və AFFA-nın dəstəyi, Azərbaycan Könüllü Təşkilatları İttifaqının təşkilatçılığı ilə keçirilən “Zəfər Liqası” futbol turnirinə yekun vurulub. Zəfər Gününə həsr olunmuş turnirdə Azərbaycanın müxtəlif dövlət qurumlarını təmsil edən 10 könüllü təşkilatı mübarizə aparıb. Turnir çərçivəsində ardıcıl olaraq qrup mərhələsi, yarımfinal və final oyunları baş tutub. Final görüşündə “Bir Könüllü” və “Event Volunteer Service - EVS” könüllülərini təmsil edən komandalar üz-üzə gəliblər. Yekunda “Bir Könüllü” komandası 3:1 hesabı ilə qələbə qazanaraq turnirin qalibi olub. Mükafatlandırma mərasimində AFFA-nın baş katibinin müavini Kamran Vəliyev, İcraiyyə Komitəsinin üzvü İsgəndər Cavadov, Azərbaycan Gənclər Fondunun icraçı direktoru Fərid Cəfərov, Azərbaycan Könüllü Təşkilatları İttifaqının sədri Yusif Vəliyev və “Bir Könüllü” Tələbələrin Əməkdaşlığı İctimai Birliyinin sədri Leyla Zeynalova tərəfindən könüllülərə kubok və medallar təqdim edilib. |
|
|
Xəbər 190 dəfə oxundu. |
|
|
|