Gənc Reportyorlar Proqramı çərçivəsində Bakıda səfərdə olan Beynəlxalq İdman Jurnalistləri Assosiasiyasının (AİPS) prezidenti Canni Merlo, oktyabrın 4-də Avroliqanın qrup mərhələsində «Neftçi»nin Milan «İnteri»i ilə oyununu canlı izləyəcək. Matç öncəsi AİPS rəhbəri hər 2 komandanın şansını dəyərləndirib. «İdman» qəzeti və idman.com.az saytına verdiyi açıqlamada italiyalı həmkarımız dedi ki, bu görüşdə bakılıların qalib gəlmək imkanı daha yüksəkdir:««İnter» hazırda yaxşı günlərini yaşamır. Komandada durum qarışıqdır. Baş məşqçi dəyişib. İndiki məşqçi bundan əvvəl klubun əvəzedicilərini çalışdırısı olub. Onun elə də yüksək Avropa təcrübəsi yoxdur. Əsas heyətin futbolçularıdan bəziləri mövsüm ərəfəsində «İnter»i tərk etdi.
«Neftçi» isə azarkeşləri qarşısında daha baxımlı futbol oynayır. Bununla yanaşı, o da məlumdur ki, Azərbaycan komandaları ev oyunlarını çox yüksək səviyyədə keçirirlər. Bunun nəticəsi kimi, onlar istəlinən komandanı Bakıda məğlub edə bilərlər».
KAMRAN
Xəbər 900 dəfə oxundu.