| İdman gimnastlarımız Türkiyədə “Challenge” seriyasına aid dünya kuboku yarışında güclərini sınayıblar | |
|
Oktyabrın sonu noyabrın əvvəlində Böyük Britaniyada keçiriləcək dünya çempionatı öncəsi kişi və qadın idman gimnastları “Challenge” seriyasına aid dünya kuboku yarışında güclərini sınayıblar. Türkiyənin Mersin şəhərində keçirilən yarışda ölkəmizi yığma komandanın üzvləri kişilər arasında İvan Tixonov, qadınlar arasında Milana Minakovskaya və Samirə Qəhrəmanova təmsil ediblər. Yarışda ən yaxşı nəticəni S.Qəhrəmanova göstərərək gimnastika tirində 13-cü olub. Digər qadın gimnastımız Milana Minakovskaya müxtəlif hündürlüklü qollarda 15-ci, gimnastika tirində isə 19-cu pillədə qərarlaşıb. Millimizin üzvü İvan Tixonov turnikdə 17-ci, sərbəst hərəkətlərin icrasında isə 23-cü olub. |
|
|
Xəbər 262 dəfə oxundu. |
|
|
|