İtaliyanın “Cenoa” klubu sabiq baş məşqçisi Andrey Şevçenko ilə müqaviləyə xitam verib | |
İtaliyanın “Cenoa” klubu yollarını ayırdığı ukraynalı sabiq baş məşqçisi Andrey Şevçenko ilə müqaviləyə xitam verib. Bu barədə klubun rəsmi saytı məlumat yayıb. Qırx beş yaşlı mütəxəssislə yanvarın 15-də yollar ayrılsa da, tərəflərin müqaviləsi davam edib. Lakin B seriyası təmsilçisi artıq sözləşməyə qarşılıqlı razılaşma əsasında xitam verdiklərini açıqlayıb. Qeyd edək ki, Şevçenko baş məşqçi vəzifəsinə ötən ilin noyabrında təyin olunub. Komanda bu müddət ərzində 11 oyundan yalnız 1-də qalib gəlib. “Cenoa” 7 görüşdə uduzub, 3 matçda heç-heçə edib. Mövsümün sonunda isə komanda autsayder kimi A seriyasını tərk edib. |
|
Xəbər 198 dəfə oxundu. |
|
|