FİFA prezidenti Yozef Blatter “Neftçi” klubunun Avropa Liqasının qrup mərhələsində Serbiyada “Partizan” komandası ilə keçirdiyi ilk görüşünün nəticəsini dəyərləndirib. Yozef Blatter komandamızı və Azərbaycan futbolunu qazanılan 1 xal münasibəti ilə təbrik edib. FİFA prezidenti bildirib ki, bu nəticə klub səviyyəsində Azərbaycan futbolunun inkişafını göstərir: “Bu, eyni zamanda Azərbaycan milli komandasının 2014-cü il dünya çempionatına vəsiqə uğrunda görüşlərinə də təsirsiz ötüşməyəcək, müsbət nəticəyə təkan ola bilər. Ümumiyyətlə, belə nəticələr Azərbaycan futbolunun düzgün yolda olduğunun göstəricisidir”.
Xəbər 970 dəfə oxundu.