Azərbaycan idmançıları kombat ciu-citsu üzrə açıq Asiya çempionatında 3 medal qazanıblar
Özbəkistanın Buxara şəhərində kombat ciu-citsu üzrə açıq Asiya çempionatı keçirilib. Kombat ciu-citsu yapon döyüş növüdür. Bu döyüş növü xüsusilə dünyada polislər, xüsusi təyinatlılar, cangüdənlər və hərbçilərin arasında geniş istifadə olunur. Hətta bir çox güc strukturları əməkdaşlarının döyüş hazırlığı proqramına salınıb. Azərbaycanı həmin yarışda Daxili İşlər Nazirliyinin (DİN) idman cəmiyyətinin 2 idmançısı təmsil edib. İdmançılarımız çempionatın “full contact” və “close kontakt” versiyalarda iştirak ediblər.

Asiya çempionatında veteranlar arasında “full contact” versiyasında Məğrur Əhmədov (85 kq) ikinci yeri, həmçinin "close contact" versiyasında üçüncü olub. 21-36 yaş arası qrupda isə Sabir Həsənov (85 kq) bürünc medal qazanıb.

Komandanın rəhbəri, DİN-in idman cəmiyyətinin əməkdaşı, Fəxri bədən tərbiyəsi və idman işçisi, Əməkdar məşqçi Rəsul Məmmədov Asiya çempionatına baş hakim qismində dəvət alıb və onun rəhbərliyi altında həmin yarışın hakim briqadaları idarə olunub.

Qeyd edək ki R.Məmmədov Beynəlxalq Kombat Ciu-citsu Federasiyasının Hakimlər komitəsinin sədrdir və dəfələrlə dünya, Avropa və Asiya çempionatlarının baş hakim kimi idarə edib.

Xəbər 217 dəfə oxundu.