İkiqat Avropa və dünya çempionumuz Eldəniz Əzizli “Konya-2021”in yarımfinal mərhələsinə yüksəlib | |
Yunan-Roma güləşçimiz Eldəniz Əzizli V İslam Həmrəyliyi Oyunlarının yarımfinal mərhələsinə yüksəlib. Turnirdə 55 kiloqram çəki dərəcəsində mübarizə aparan ikiqat Avropa və dünya çempionumuz dörddəbir finalda Türkmənistan təmsilçisi Ümid Durdiyevi 8:0 hesabı ilə məğlub edərək növbəti mərhələyə vəsiqə qazanıb. Qeyd edək ki, Azərbaycan təmsilçiləri İslamiadada 24 idman növündən 22-sində iştirak edirlər. Oyunlar vaxtı 483 dəst medal öz sahibini tapacaq. Beşinci İslam Həmrəyliyi Oyunları 2021-ci ilin sentyabrında keçirilməli idi. Daha sonra pandemiya ilə əlaqədar yarışa hazırlığın tam aparılması üçün oyunların 2022-ci ilə təxirə salınması məqsədəuyğun hesab olunmuşdu. İlk dəfə İslam Həmrəyliyi Oyunları Səudiyyə Ərəbistanında keçirilib. Dördüncü İslam Həmrəyliyi Oyunlarına Azərbaycan ev sahibliyi edib. |
|
Xəbər 206 dəfə oxundu. |
|
|